UN-Klimakonferenz zu Lima: gemëschte Reaktioun vun der Ministerin Carole Dieschbourg

D’Ëmweltministerin Carole Dieschbourg huet sech zefridde gewisen, datt op der 20. UNO-Klimakonferenz zu Lima iwwerhaapt een Accord fonnt gouf. Si wier awer e wéineg enttäuscht, iwwert den Ambitiounsniveau vun dësem Pabeier mam Titel "Lima call for climate actio": Do wier sécher Loft no uewe gewiescht, esou d’Ministerin am 100,7-Interview. A Peru hätt ee Konsens tëschent 195 Länner mat verschiddenen Interesse an Zieler misste fonnt ginn. Den Accord wier awer eng gutt Basis fir d’Konferenz 2015 zu Paräis, esou d’Carole Dieschbourg, déi zesumme mam Staatssekretär Camille Gira op der Konferenz zu Lima war.

De ganzen 100,7-Interview vum Serge Kesseler mat der Ëmweltministerin Carole Dieschbourg

Ëmweltschützer sinn enttäuscht vum Resultat vun der Konferenz. D'Reaktioun vum Philippe Schockweiler, Kommunikatiounsdirekter bei Greenpeace-Lëtzebuerg

Zu Paräis soll et Enn vum nächste Joer een neie verbindleche Weltklimaaccord gi, fir d’Ophëtze vun der Äerd ze limitéieren.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen