Presidence vun der EU-Kommissioun Ursula von der Leyen nach net um Zil

Eppes iwwer eng hallef Stonn laang huet d'Ursula von der Leyen de Moien an enger Ried am Europaparlament hir Iddie presentéiert. Et war hir lescht Chance méiglechst vill Deputéiert dovun ze iwwerzeegen, den Owend fir si ze stëmmen. Nach ass onkloer, ob et duer geet.

Danièle Weber (Stroosbuerg) / cbi

D'Ursula von der Leyen
D'Ursula von der Leyen am Eurpoaparlament. Foto: European Union / Mathieu CUGNOT

Déi däitsch Verdeedegungsministerin gouf virun zwou Woche vun de Staats- a Regierungscheffen als Kandidatin fir Kommissiounspresidentin ze ginn, proposéiert. Si brauch awer eng Majoritéit am Europaparlament.

Nach ass et net sécher, datt si dorop ziele kann. Hir Ried huet do net fir méi Kloerheet gesuergt. D'Skepsis bleift op verschiddene Säite bestoen.

Et war däitlech ze spieren, datt net jiddwereen vun dëser Ried a vun der Kandidatin von der Leyen iwwerzeegt ass.

D'Ursula von der Leyen huet et ouni Zweiwel fäerdeg bruecht, sech als iwwerzeegten Europäerin ze presentéieren. Si huet hir Ried mat vill Motivatioun an Engagement presentéiert. Fléissend an dräi Sproochen, wéi sech dat fir eng Europäerin gehéiert.

Sozialisten nach net decidéiert

Inhaltlech ass si deels méi wäit gaangen, wéi si dat an hiren Entrevuen déi lescht Woch am Parlament gemaach huet. Méi ambitiéis Klimaziler a méi konkret Engagementer am soziale Beräich: ee Mindestloun fir jiddwereen. Un engem legale Kader dofir wëllt d'Kandidatin schaffen an dat gefält de Sozialisten, déi nach ëmmer zécken, an eréischt am Dënschdeg Nomëtteg decidéieren, wéi si sech beim Vott verhalen.

Déi Gréng an déi Lénk bleiwe bei hirem Nee. Dat läit och um Sträitthema Migratioun.

"Mir musse Liewen um Mier retten", sou d'Ursula von der Leyen. Si wëllt een neie Migratiounspak proposéieren. Wéi deen ausgesäit, verréit si just op Punkte vu méi Grenzschutz, net op deem vu méi Solidaritéit ënner de Memberlänner.

Manner Support um rietse Bord

Trotzdem huet de rietsnationale Bord an der Debatt hei am Parlament méi skeptesch reagéiert, wéi virun der Ried vun der Kandidatin. D'Stëmme vun der Fraktioun vun den Europäesche Konservativen a Reformiste schéngen net méi sécher ze sinn. Während de rietsextreme Bord de Moie mam Vertrieder vun der däitscher AfD däitlech op Distanz gaangen ass.

Datt d'Droite also vläicht awer net fir d'Ursula von der Leyen stëmmt, kéint nees méi anerer aus der Mëtt an d'Boot bréngen. De Vott ass nach net gelaf.


D'Danièle Weber mat Detailer:

Lauschteren

Méi zum Thema

Lëtzebuerger Europadeputéiert
Méiglech Presidentin vun der EU-Kommissioun

Duerch d'Nominatioun vun der Ursula von der Leyen als nei Kommissiounspresidentin stellt sech d'Fro, wéi sech déi lëtzebuergesch EU-Deputéiert beim Vott decidéieren. Déi meescht vun hinne sinn, eegenen Aussoen no, nach ondecidéiert.

Danièle Weber Analys
Réckbléck op déi europäesch Woch

D'Kandidatin Ursula von der Leyen muss sech dem Vott am Europaparlament stellen. Do konnt si bis elo net jiddwereen iwwerzeegen an um Enn kéint si dank de Stëmme vum rietse Bord gewielt ginn.

Ursula von der Leyen. Exklusiv
Kandidatin Ursula von der Leyen

D'Ursula von der Leyen hätt gär, datt all national Regierung souwuel eng Fra wéi och ee Mann als EU-Kommissär proposéiert. Zil wier eng Kommissioun mat 50 Prozent Fraen a 50 Prozent Männer.

Ska Keller
Kandidatur Ursula von der Leyen

D'nächst Woch gëtt am Europaparlament ofgestëmmt, ob d'Ursula von der Leyen déi nächst Kommissiounspresidentin gëtt. Hei kéint et op d'Stëmme vun de Gréngen ukommen, déi skeptesch bleiwen.

Net verpassen

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen