Verfassungsreform: Wien decidéiert iwwert virgezunnen Neiwahlen?

Wann et zu enger politescher Krise kënnt, déi just duerch virgezunnen Neiwahle ka geléist ginn, soll d’Chamber am Virfeld vun deene Wahlen an Zukunft net méi opgeléist ginn. Doriwwer ass sech déi fir d’Verfassungsreform zoustänneg Chamberkommissioun prinzipiell eenz ginn.

Nach ze kläre bleift, wien decidéiert datt et zu virgezunnen Neiwahle muss kommen, a wéi eng Konditiounen dofir an der neier Verfassung festgehale ginn.

Aktuell ass et de Groussherzog, deen d’Parlament dierf opléisen. A während den LSAP-Fraktiounschef Alex Bodry dervun ausgeet, datt de Staatschef hei an Zukunft keng Roll méi ze spillen huet, seet de Paul-Henri Meyers, déi Fro wier nach net definitiv gekläert. Wann ee sech, wéi geplangt, um schwedesche Modell orientéiert wier et d’Regierung déi d’Chamber opléist, sou den CSV-Deputéierten:

 

De Luc Heuschling, Professer fir Verfassungsrecht op der Uni Lëtzebuerg, mécht drop opmierksam, datt och méi Acteuren kéinten d’Recht hunn iwwert virgezunnen Neiwahlen ze decidéieren. Zum Beispill kéint een sech virstellen, datt d’Bierger d’Méiglechkeet kréien, hiert Parlament an engem Referendum nees ofzeberuffen:

 

Datt d’Chamber net méi opgeléist gëtt, mee bestoe bleift, bis e neit Parlament sech konstituéiert, ass elo Konsens. Mee wat geschitt mat der Regierung wann et wéinst enger Kris zu virgezunnen Neiwahle kënnt? Den LSAP-Fraktiounschef Alex Bodry schwätzt vun der Méiglechkeet, datt d’Regierung am Amt bleift:

 

De Serge Urbany vun déi Lénk begréisst, datt d'Chamber net méi soll opgeléist ginn. Viru virgezunnen Neiwahlen, misst d'Parlament awer d'Méiglechkeet hunn d'Regierung opzeléisen:

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen