Google Datenzenter Vill Onkloerheeten am Dossier Google

D'Biisser Biergerinitiative gesinn de geplangten Datenzenter vu Google weiderhi kritesch: Op der Informatiounsversammlung wier een "net vill Neies" iwwer de Projet gewuer ginn, esou d'Denise Fischer. Si ass Presidentin vun der Biisser Biergerinitiativ.

Rick Mertens (Interview) / Claude Biver (Web)

Dan Hientgen, Denise Fischer
Den Dan Hientgen an d'Denise Fischer vun de Biergeriniaitiven

Den Dan Hientgen vun der Initiativ "Pro Biissen" begréisst zwar, datt esou vill Leit do waren, an datt Google eng Versammlung organiséiert hätt. Fir hien ass awer nach villes onkloer, ënner anerem wéi vill Waasser genee gebraucht géif ginn. Google hätt annoncéiert eng Studie auszeschaffe fir ze kucken, wou een dat Waasser géif hierhuelen:

"Do hu si elo eng nei Theorie bruecht, déi virdrun nach keen um Plang hat. An et ännert nach alles. Et freet ee sech, ob si iwwerhaapt schonn eppes am Detail geplangt hunn. Hir Pläng ware generell: Esou kéint allgemeng en Datenzenter ausgesinn."

"Wat ass d'Plus-value?"

En anere Volet, dee fir den Dan Hientgen onkloer ass, ass de Stroumverbrauch: "Si ginn do just e puer Angaben a Prozenter. Mee wat d'Konsequenzen dovu sinn, soe si net." Generell géif et dem Projet Datenzenter un Detailer feelen, beklot sech den Dani Hientgen. "Ech kennen net vill Projeten, déi an där do Phas - zwee Joer virun der Fäerdegstellung - net geplangt sinn."

Fir den Dan Hientgen ass onkloer, wat d'Gemeng Biissen vun deem grousse Projet soll hunn:

"Et freet ee sech: Wat ass d'Plus-value fir d'Gemeng? Virdru waren et 400 Aarbechtsplaze vun deene si geschwat hunn, elo sinn et der 100. Déi kommen net fir d'Biisser Leit. A mat der Gewerbesteier kennt och näischt eran, wat elo nenneswäert wier. An da freet ee sech e bëssen: Firwat mécht een dat Ganzt?"

Dräi Vertrieder vum Internetris stoungen de Biisser Bierger iwwer zwou Stonne Ried an Äntwert. Et waren eng 400 Leit op d'Versammlung komm.

An der Mediathéik:

Invité vum Dag / / Rick Mertens
Lauschteren

Méi zum Thema

Google Informatiounsowend
Google Datenzenter

Op enger Informatiounsversammlung konnte Bierger méi iwwer de geplangten Datenzenter vu Google gewuer ginn. Bei Projeten an anere Länner wieren nach ni Bierger fir eng Versammlung invitéiert ginn.

David Viaggi
Google Datazenter

"Wann et net sou geet, wéi mir eis dat virstellen, da gëtt et schwéier fir de Projet Google Datazenter duerchzekréien", seet den David Viaggi. Hie wäert viraussiichtlech den nächste Buergermeeschter vu Biisse ginn.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen