Lëtzebuerger Wäibau Wäin als Lëtzebuerger Produit erkennen

Op der Musel wäert, vun der nächster Woch un, an Aarbechtsgruppen iwwer Méiglechkeeten nogeduecht an diskutéiert ginn, wéi een de Lëtzebuerger Wäi besser vermaarte kann. Déi Reflexioune wäerten opbauen op de Resultater vun enger Etude, un där d'Consultingfirma EY an de leschte véier Joer am Optrag vum Wäibau-Ministère geschafft huet.

Maurice Molitor / cbi

Claire Sertznig
Claire Sertznig

An dëser Etude ginn engersäits Pisten opgezeechent, fir d'Präsenz vu Miseler Wäiner an eisen Nopeschlänner, virun allem an Däitschland, ze verbesseren, mä och fir méi eng grouss Visibilitéit um Lëtzebuerger Marché ze kréien. Dee Marché zeechent sech duerch eng ganz international Clientèle aus, déi dacks net wéisst, datt et Lëtzebuerger Wäi gëtt. Dat seet déi fir d'Aarbechten un där neier Marketings-Strategie zoustänneg Mataarbechterin am Wäibau Institut Claire Sertznig. Dofir wär et wichteg, datt d'Fläsche vun der Musel duerch iergend ee Symbol direkt als Lëtzebuerger Produit z'erkenne wären.

Op den däitsche Marché goen

Et wieren elo fënnef Ziler festgehale ginn, sot de Moien d'Claire Sertznig vum Wäibau Institut. Een Zil wier zum Beispill, fir d'Reputatioun vum Rivaner, an och seng Qualitéit, opzewäerten. An da wier, nieft Holland a Frankräich besonnesch och Däitschland als Land viséiert, wou ee méi Lëtzebuerger Wäiner wéilt verkafen, virun allem a groussen däitsche Stied wéi München oder Berlin.

Däitschland wier de véiertgréisste Wäikonsument op der Welt, a si wieren dee gréissten Importateur vun auslännesche Wäiner, sou d'Claire Sertznig. "Eist Zil ass et, op den däitsche Marché ze goe mat Wäiner, déi sech vun hiren ënnerscheeden, ganz kloer, do schwätze mir dann zum Beispill vun engem Auxerrois oder engem Pinot Gris, oder vun eisem Crémant." Haaptsächlech géif et do drëms goen, fir mat Restaurateuren oder Fachhändler an d'Gespréich ze kommen, déi och sou méi exklusiv Produite siche wéi de Lëtzebuergesche Wäin.

An der Mediathéik:

Invité vum Dag / / Maurice Molitor
Lauschteren

Méi zum Thema

Isabelle Weisen
Bléck an d'Kichen

D’Isabelle Weisen huet eis mat an d'Kiche geholl. Si ass eng jonk Kächin, déi sech dëst Joer selbststänneg gemaach huet. Wéi schwiereg ass et, zu Lëtzebuerg als Kächin ze schaffen?

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen