Carrièrë bei der Police "Wäit iwwer 500 Poliziste concernéiert"

D'Polizisten aus der ënneschter Carrière beim Staat missten alleguer an déi nei geschafe Carrière Moyenne B1 reklasséiert ginn - och déi ouni 1ères oder 13iemes Diplom. Dat fuerdert de President vun der Policegewerkschaft Pascal Ricquier.

Mick Entringer / Pierre Reyland / cz

Pascal Ricquier
Pascal Ricquier

Wäit iwwer 100 Policebeamte mat 1ères respektiv 13èmes-Diplom froen, fir an déi nei Carrière B1 reklasséiert ze ginn. Dës Carrière gëtt et eréischt zanter e puer Méint bei der Police. D'Poliziste riichten eng Demande an deem Sënn un den neie Police-Minister François Bausch.

D'Policegewerkschaft SNPGL ënnerstëtzt dës Demarche, seet hire President Pascal Ricquier. D'Gewerkschaft géif sech elo awer net direkt implizéieren, well en Affekot ageschalt gouf.

Automatesch Ëmklasséierung oder out-in

Datt d'Gewerkschaft sech bei de Verhandlungen iwwer d'Policereform an dësem Dossier net genuch duerchgesat hätt, léist de Pascal Ricquier net gëllen. D'Regierung an den zoustännege Minister Dan Kersch hätte fir d'B1-Carrière op eng aner Léisung insistéiert - de sougenannten out-in, deemno déi Police-Beamten an de B1 komme kënnen, awer net automatesch. Si musse virdrun austrieden an dann nees en Exame maachen.

De Pascal Ricquier hofft elo, datt eng automatesch Ëmklasséierung, sou wéi vill Poliziste se mat Hëllef vun der Affekotin Carole Hartmann fuerderen, duerchgesat ka ginn. Wann néideg och iwwer de geriichtleche Wee. Aktuell wiere wahrscheinlech iwwer 500 Poliziste concernéiert.

Polizistenausbildung generell iwwerdenken

D'Polizisten aus der ënneschter Carrière beim Staat missten alleguer an déi nei geschafe Carrière Moyenne B1 reklasséiert ginn, fënnt de Pascal Ricquier. "Déi Leit an der B1-Carrière sëtzen zesumme mat de Leit aus der C1-Carrière an der Klass. Firwat? D'Gesetzer si genee déi selwecht. Dat heescht, een C1 muss genee sou vill wëssen a kënne wéi ee B1. Dat huet näischt mat engem Ofschloss oder mat engem Net-Ofschloss ze dinn." D'SNPGL fuerdert dofir och fir d'Carrière C1 ofzeschafen a generell méi héich Ufuerderungen ze stellen. Verschidden europäesch Länner géife mam positive Beispill virgoen, andeems si Policeschüler dräi Joer laang an d'Schoul géife schécken. "An an deenen dräi Joer Schoul kréien déi e Bac+3 unerkannt, e Bachelor", sou de Pascal Ricquier.

An der Mediathéik:

Invité vum Dag / /
Lauschteren

Méi zum Thema

Pascal Ricquier
Policereform

Dëst Joer kéime vläicht just genuch Kandidaten zesumme fir d'Pensiounsofgäng bei der Police ofzedecken, seet de Pascal Ricquier. Et géifen nei Aufgaben op d'Police duerkommen, si hätt awer net méi Personal.

Philippe-SCHRANTZ
Policereform

Duerch d'Policereform gëtt d'Police méi disponibel fir d'Leit an ass méi um Terrain present, esou de Philippe Schrantz. Korruptioun wier kee Phenomen, seet de Generaldirekter vun der Police.

Police
Policereform

Am Mëttelpunkt steet déi territorial Reorganisatioun, d'Aféiere vun neie Carrièren an d'Reorganisatioun vun der Police judiciaire. déi Lénk hu sech beim Vott enthalen, d'CSV an d'ADR hunn dogéint gestëmmt.

Kanner
Police Judiciaire

D'lescht Joer huet d'Police méi wéi 20 Fäll vu Kannerpornographie mat engem direkte Lien op Lëtzebuerg traitéiert. Am Duerchschnëtt wieren déi Jore virdru ronn eng Dose Fäll behandelt ginn.

Sally Stephany & Barbara Gorges-Wagner
Invitéeë vum Dag

Der BEE SECURE Stopline kënne Bierger illegale Contenu, deen si um Internet gesinn, anonym mellen. D'Sally Stephany an d'Barbara Gorges-Wagner vun der Stopline am Gespréich.

Justiz
Legislatioun

D'Rechter vun Ugekloten an Affer sollen duerch dat neit Gesetz méi kloer geregelt an d'Strofinstruktioun méi fair ginn. D'Aarbecht géif méi komplizéiert ginn, kritiséiert d'Policegewerkschaft.

Syndicat Force Publique
Arméi a Police

Vill Kritik beim Conseil vun der Police- an Arméigewerkschaft. Der Arméi feelt et virun allem u Personal a Material. D'Police veruerteelt een ze groussen Afloss vun der Justiz bei der Reform.

Pascal Ricquier Exklusiv
Policereform

De Gesetzprojet vun der Policereform wier net konform mam Text vum Avant-projet de loi, seet de Pascal Riquier. D'Policegewerkschaft kritiséiert, si hätt dee "falschen Text" kritt.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen