Biissen Wee fräi fir Koalitioun ouni CSV

Déi nei Allianz tëscht dem Buergermeeschter Jos Schummer an der Lëscht "Är Leit" kann zu Biisse regéieren. D'CSV-Conseillere Frank Clement a Carlo Mulbach demissionéieren aus dem Schäfferot. De Projet vun engem Google-Datacenter kann domat och virugedriwwe ginn.

Jean-Claude Franck / cz

Jos Schummer
De Jos Schummer stellt elo en neie Schäfferot zesummen

De Bäitrag vum Jean-Claude Franck


Dräi Méint nodeems d'CSV d'Majoritéit am Gemengerot vu Biisse verluer huet, maachen déi Chrëschtlech-Sozial de Wee fräi fir déi nei Koalitioun. D'CSV-Conseillere Frank Clement a Carlo Mulbach hunn dësen Dënschdeg annoncéiert, datt si aus dem Schäfferot demissionéieren.

Enn Juni ware si an d'Minoritéit gesat ginn. De Buergermeeschter Jos Schummer an d'Cindy Barros haten d'CSV verlooss a sinn elo onofhängeg. Duerch eng Allianz mat der Lëscht "Är Leit" hu si elo eng Majoritéit ouni d'CSV.

Hannergrond waren Divergenzen iwwer de Projet vu Google fir zu Biissen e groussen Datacenter ze bauen. De Jos Schummer huet säin Austrëtt aus der CSV domat begrënnt, datt hie selwer fir de Projet vu Google ass, d'CSV op nationalem Plang awer dogéint.

De Google-Projet kann elo viru gedriwwe ginn

De Jos Schummer seet, hie géif d'Demissioun akzeptéieren an elo en neie Schäfferot zesumme setzen. Hie géif oppassen, datt deen neie Schäfferot de Projet fir en Datacenter an der Gemeng ënnerstëtzt.

De Projet kéint iwwerdeems virugedriwwe ginn, sou de Jos Schummer. D'Ministèren hätten d'läscht Woch d'Ëmklasséierung vun de 35 Hektar autoriséiert, den allgemenge Bebauungsplang (PAG) vun der Gemeng géif elo de Bau vun engem Datacenter erméiglechen. Fir datt den US-Konzern Google dierf op deem Terrain bauen, muss eng PAP-Prozedur lancéiert ginn, wärend där Google muss konkret Pläng op den Dësch leeën.

Memebere vum CSV-Gemengerot elo an der Oppositioun

De Biisser Buergermeeschter wëll mat der Lëscht Är Leit schwätzen an dann decidéieren, wéi sech den neie Schäfferot zesummesetzt.

Déi nei Koalitioun tëscht Är Leit an den zwee Onofhängege kënnt op 7 vu 11 Gemengeréit. D'CSV rutscht mat véier Gemengeréit an d'Oppositioun.

Méi zum Thema

Jos Schummer
Google Datacenter

Hannergrond fir dem Jos Schummer seng Decisioun d'CSV ze verloossen ass de méigleche Bau vun engem Datacenter vu Google zu Biissen. De Jos Schummer kritiséiert am 100,7-Interview, datt déi national CSV géint de Projet vum Datacenter ass.

Gemgenrot Biissen
Biissen

Den Terrain zu Biissen, dee Google kaf huet, kann als Zone spéciale ëmklasséiert ginn. De Gemengerot huet an engem zweete Vott mat 4 zu 2 dëser Ëmklasséierung zougestëmmt. D'Oppositioun huet sech enthalen.

Google
Google

De Mouvement écologique kritiséiert, datt nach ëmmer net kloer wier, wéi vill Killwaasser de Google-Datenzenter wäert verbrauchen. Dat géif awer beim Ëmklasséiere keng Roll spillen, seet de Jos Schummer.

Jos Schummer
Google-Datenzenter

Momentan schafft eng Task force um Projet Google-Datenzenter, seet de Buergermeeschter vu Biissen. A véier bis fënnef Méint kéint de PAG gestëmmt sinn. Google géif säi Projet da méi genee virstellen, sou de Jos Schummer.

google.jpg
Data Center

Domat soll d'Fläch vu ronn 35 Hektar, als "zone spéciale Data Zenter" klasséiert ginn. Deemno dierft just een Data Zenter sech do nidderloossen. Kritik gouf et, well eng Partie Froen nach op stinn.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen