Entwécklung EU-Verdeedegungspolitik Wéi positionéiert d'EU sech zur NATO?

Ënnerschiddlech Schock-Erfarungen an de leschte Joren hunn dofir gesuergt, datt d'Europäesch Unioun méi eegen Efforten a Saache Sécherheet a Verdeedegung mécht: dës Analys mécht den Dr. Henning Riecke vum Netzwierk Deutsche Gesellschaft für Auswärtige Politik.

Serge Kesseler / cz

Henning Riecke
Henning Riecke (Foto: Deutsche Gesellschaft für Auswärtige Politik)

Mat dëse Schock-Erfarunge mengt de Politikwëssenschaftler méi grouss Menacen aus Russland, de geplangte Brexit an dee méi groussen Drock vun den USA op déi europäesch Sécherheet. Iwwer d'Entwécklungen an der EU-Sécherheets- a Verdeedegungspolitik an iwwer d'Relatiounen zur NATO huet de Serge Kesseler mam däitschen Expert geschwat.

Dat wat d'EU de Moment a Saache Verdeedegungspolitik mécht, a wat si sech virhëlt, wier net de Kärberäich vun der NATO, stellt den Dr. Henning Riecke fest.

D'NATO wier zoustänneg fir Verdeedegung no baussen an och fir nuklear Ofschreckung no baussen. Dës Bestanddeeler wieren an der Sécherheets- a Verdeedegungspolitik vun der EU nach net ze fannen.

Benefice fir d'NATO

D'Zesummenaarbecht an der Europäescher Unioun an dësem Beräich soll keng Konkurrenz zur NATO ginn, gouf an de leschte Joren och reegelméisseg vu Politiker betount. Dem Politikwëssenschaftler no kéinten déi europäesch militäresch Capacitéiten am Kader vun der neier EU-Verdeedegungsunioun op laang Siicht der NATO zu gutt kommen.

Een Deel vum Impuls fir eng europäesch Onofhängegkeet wier awer natierlech och den Ierger iwwer d'Bündnispolitik vun den Amerikaner, den Drock, deen den Donald Trump ausüübt an déi Onsécherheet, déi hie geschafen huet. Dem Expert no géif et awer wahrscheinlech nach immens laang daueren, bis d'EU der NATO am Beräich vun der Ofschreckung gläich kéim. Et géif awer net drëm goen, fir d'NATO ofzeléisen.

EU-Memberstaate sich sech oneens

D'Amerikaner wäerten net op Dauer fir d'Sécherheet vun den Europäer suergen, hat de Jean-Claude Juncker virausgesot. Et wier dowéinst néideg eng europäesch Arméi ze schafen, esou den EU-Kommissiounspresident am Hierscht 2016.

De Wee géif an dës Richtung goen, mengt och den Dr. Henning Riecke vun der Deutschen Gesellschaft für Auswärtige Politik vu Berlin. Déi national Arméien ersetzen, wäert esou eng europäesch Arméi awer net. Dat géif dovun ofhänken, datt et een europäesche Staat, en europäesche Verdeedegungsminister an e Verdeedegungsausschuss am Europäesche Parlament misst ginn, dee Missioune mandatéiere kéint. All déi Saache géif et momentan awer nach net ginn an d'europäesch Staate wiere sech net eens, datt dat d'Zil wäert sinn.

Och kleng NATO- an EU-Memberstaate wéi Lëtzebuerg, solle sech dem Expert no um gemeinsamen Zil bedeelege fir bei hire Rëschtungs-Depensen e gewëssen Niveau ze erreechen an esou hire Bäitrag ze leeschten. Donieft géifen awer och déi politesch an déi diplomatesch Säit eng Roll spillen. Kleng Staate missten natierlech d'Méiglechkeet hu fir méi Afloss ze huelen, wéi d'Gréisst vum Land et erwaarde léisst. Et gëtt natierlech och Nischefäegkeeten an déi méi kleng Staaten investéiere kéinten.

Gemeinsam strategesch Kultur

Duerch déi gemeinsam strukturéiert Zesummenaarbecht am Verdeedegungsberäich an der EU, kréichen d'Staate méi Méiglechkeete fir zum Beispill gemeinsam Rëschtungsprojeten unzestoussen. Dat wier dem Dr. Henning Riecke no eng interessant Entwécklung.

Et wier elo wichteg, fir eng gemeinsam strategesch Kultur ze entwéckelen, mat där se géif weisen, datt se sech amësche kann. "Eine Kultur der Einmischung, die ja schon seit 2003 in der europäischen Sicherheitsstrategie versprochen wird, um in ihrer Nachbarschaft tatsächlich Krisen zu bewältigen, Krisen zu verhindern, humanitären Hilfe zu leisten, ganz einfach für mehr Stabilität zu sorgen. Wenn das Aufgabe der EU wird, auch mit mehr Durchschlagskraft, da wäre viel gewonnen."

Déi gemeinsam Sécherheets- a Verdeedegungspolitik ass een Deel vun der gemeinsamer Aussen- a Sécherheetspolitik.

An der Mediathéik:

Aktuelles / / Serge Kesseler
Lauschteren

Méi zum Thema

Lëtzebuerger Zaldot an Afghanistan
NATO-Missioun

D'Bedeelegung un der NATO-Missioun fir d'Formatioun an d'Ënnerstëtzung vun den afghanesche Sécherheetsforcë soll bis 2020 verlängert ginn. Lëtzebuerg schéckt och en zweete Mann an Afghanistan.

Rick Mertens Analys
Loftugrëff a Syrien

Déi däitsch Kanzlerin huet ausgeschloss, datt d'Bundeswehr sech u Militärugrëff a Syrien bedeelegt. Trotzdeem lueft d'Angela Merkel d'Virgoe vun hire westlechen Alliéierten. Wéi passt dat zesummen?

Matthias Kirsch Analys
Auslandschronik

D'Tierkei kämpft a Syrien géint d'Kurden. De Konflikt ass och e Message un d'USA, déi d'Kurden ënnerstëtzen. Eng Konfrontatioun tëscht den NATO-Partner géif dem Al-Assad an d'Hänn spillen.

Jean Asselborn
Aussepolitik

De Jean Asselborn kritiséiert d'USA, d'Tierkei an Israel wéinst hirer Politik am Noen Osten. Hie regrettéiert, datt d'EU an der Aussepolitik net méi esou geschlossen do steet wéi nach virun 10 Joer.

Christian Schleck
Arméi

An Zukunft géif bei der Arméi méi an technesch Beräicher investéiert ginn. Et misst sech d'Fro gestallt ginn, ob een déi néideg Ressourcen dofir huet, seet de President vun der Arméigewerkschaft SPAL.

Stoltenberg + Mattis
NATO - USA

Den neien US-Defense-Minister James Mattis hat gefuerdert, datt d’NATO-Partner hir Militär-Budgete missten an d'Luucht setzen. D'Fuerderung vun den USA wier illusoresch, seet den Etienne Schneider.

Syndicat Force Publique
Arméi a Police

Vill Kritik beim Conseil vun der Police- an Arméigewerkschaft. Der Arméi feelt et virun allem u Personal a Material. D'Police veruerteelt een ze groussen Afloss vun der Justiz bei der Reform.

Zaldot
Fonction Publique

D'Lëtzebuerger Arméi huet gréisser Problemer fir Leit ze rekrutéieren. Dofir plangt de Minister fir bannescht Sécherheet nei Carrièren. Eischt Gespréicher mat der Arméis-Gewerkschaft gouf et schonn.

Nato.JPG
Militär

De Lëtzebuerger Staat finanzéiert en neien Datazenter fir d’NATO. D'Regierung seet, se erfëllt hir militäresch Engagementer a mécht eppes fir d'Economie. déi Lénk kritiséieren.

Programm

  • Notturno

  • On air

    Virum Dag

    • Noriichten

  • Moies-Magazin

  • Iwwer Mëtteg

  • Resonanzen

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen