Rapport vun Amnesty Weider Drock maachen op Länner mat Doudesstrof

D'Mënscherechtsorganisatioun Amnesty International fuerdert Drock vun der Lëtzebuerger Regierung op Länner, an deenen et d'Doudesstrof nach ëmmer gëtt. Dorënner och Länner, déi Sue vu Lëtzebuerg kréien am Kader vun der Entwécklungs- an humanitärer Hëllef.

Pierre Reyland / rb

Olivier Pirot
Den Olivier Pirot ass Direkter vun Amnesty Lëtzebuerg. Foto: Archiv

Lauschteren


D'Doudesstrof existéiert an enger Partie Länner, déi Lëtzebuerger Entwécklungs- a humanitär Sue kréien, oder mat deene Lëtzebuerg kommerziell Accorden huet: Dorënner Vietnam, China, Myanmar, Südsudan, Syrien a Jemen. Lëtzebuerg hätt also do Moyenen, fir weider Drock ze maachen, an ze fuerderen, datt déi Länner d'Doudesstrof ofschafen, esou d'Lëtzebuerger Branche vun Amnesty International an engem Communiqué.

Dobäi kënnt, datt ënner de Länner, mat kommerziellen an humanitäre Lienen zu Lëtzebuerg, der gläich e puer sinn, déi am neien Doudes-Strof-Rapport vun Amnesty besonnesch staark verurteelt ginn. Dat well se, iwwer dee Wee vun der Doudesstrof, Minoritéiten an Opponenten ënnerdrécken. Dorënner wiere Myanmar, Vietnam a China, esou Amnesty.

Am Communiqué schreift den Olivier Pirot, Direkter vun Amnesty Lëtzebuerg, datt d'Lëtzebuerger Regierung op alle Fall bei deene Länner eng komplett Transparenz iwwer d'Aart a Weis, wéi d'Doudesstrof do applizéiert gëtt, fuerdere misst.

Zuel vun Hiriichtungen an Doudesstrofe geklommen

Allgemeng notéiert Amnesty an hirem Rapport, datt d'Zuel vun Hiriichtungen an Doudesstrofen zejoert nees geklommen ass. Am Ganze wiere 597 Mënschen an 18 Länner higeriicht ginn - 20 Prozent méi wéi nach 2020. Allerdéngs war dat en exzeptionellt Joer, mat engem Rekorddéif vun Hiriichtungen, well d'Aktivitéiten op ville Geriichter wéinst der Pandemie limitéiert waren.

Amnesty gesäit dann och verschidde positiv Zeechen: An den USA huet de Staat Virginia d'Doudesstrof ofgeschaaft. Et ass den 23. vun de 50 US-Staaten, deen d'Doudesstrof ofgeschaaft huet.

Méi zum Thema

Olivier Pirot
No Annonce vun Impfgéigner

Amnesty International annuléiert de Fakelzuch fir d'Mënscherechter, deen e Freideg den Owend an der Stad geplangt war. D'Sécherheet vun de Manifestante kéint net garantéiert ginn, sou den Direkter vun Amnesty Lëtzebuerg.

Net verpassen

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen