Biissen Weider Etapp fir Google-Datenzenter

Dee geplangten Datenzenter vu Google zu Biissen huet e weidere Schrëtt no vir gemaach: De Biisser Gemengerot huet am zweete Vott gréng Luucht gi fir dee ronn 35 Hektar groussen Terrain am PAG als Zone Spéciale Data Center ëmzeklasséieren.

Pierre Reyland / cbi

Gemgenrot Biissen

Et war net genuch Plaz am Sall vun der Gemengerotssëtzung an der Biisser Gemeng. Ronn 60 Leit ware komm fir nozelauschteren, dorënner Member vun der Biergerinitiativ. Si souze mat Schëlter mam Schrëftzuch "Kee Google op Biissen" am Sall.

143 Reklamatioune wiere bei der Gemeng erakomm, sot de Jos Schummer, mee d'Leit misste verstoen, datt et just drëms géif goen am PAG den Terrain ëmzeklasséieren an eng Zone spéciale Data Center.

Konkret Detailer iwwer de Google-Projet, virun alem iwwer den héije Waasser- an Energieverbrauch, kéimen eréischt am PAP, dem Plan d'aménagement particulier.

En iwwerraschend Resultat

Séier war awer kloer, datt et net nëmme bei der Biergerinitiativ, mee och am Biisser Gemengerot selwer, seriö Bedenke gëtt. Am éischte Vott de 6. Januar hunn déi 11 Membere vum Gemengerot nach unanime fir d'Ëmklasséierung gestëmmt.

De Christian Hoscheid an d'Cindy Barros Dinis, allebéid CSV, hunn hir Meenung awer geännert, a sou koum et dunn zu deem iwwerraschende Resultat: 4 Jo-Stëmme géint zwee Nee-Stëmmen. Déi fënnef Oppositiounsmembere vum Grupp Är Leit hu sech alleguer enthalen.

Den CSV-Buergermeeschter Jos Schummer huet duerno net verstoppt, datt hien iwwer den Nee-Vott vun den zwee CSV-Kollegen net frou war. Et wier net positiv. "Mir wësse jo och, datt d'Politik vun der CSV keng Politik ass, déi fir den Datenzenter ass." Wéi eng Konsequenzen de Jos Schummer vun dësem Vott géif zéien, wollt hien awer net soen.

Biergerinitiativ schwätzt vun "Nonsense"

Mee och d'Biergerinitiativ kämpft weider géint de Projet, seet d'Denise Fischer-Thomas, Presidentin vun de Initiativ. Besonnesch um Häerz läit hir d'Waasserkillung vum Datenzenter, déi vill Kaméidi géif maachen a waarm Loft géif produzéieren, souwéi de Käschtepunkt fir de Stroum. "Ech verstinn einfach net, wéi esou een Nonsense hei zu Biissen ka sou wäit goen."

Den Ed Sinner hält sech d'Optioun vu juristesche Méiglechkeete gären op. "Mir wäerten alles ausnotzen, wat mir kënnen, fir ze verhënneren, datt déi Saach esou schlëmm weidergeet, wéi se bis elo ugefaangen huet."

Oppositioun huet sech enthalen

Verschidde Bierger weise sech enttäuscht, datt d'Oppositioun sech enthalen huet. "Ech verstinn net, wéi ee bei esou enger wichteger Decisioun net de Courage huet fir ze bekennen, ech sinn elo dofir oder dogéint. Een, dee sech enthält, ass net do."

Ee vun deenen, déi sech enthalen hunn, ass de Georges Lucius. Hie begrënnt säit Vott doduerch, datt vill Fuerderungen, déi d'Oppositioun gestallt hat, net erfëllt gi sinn, "ouni datt mir komplett géint de Projet sinn a mir wëllen dat och signaliséieren. Dat heescht, de Projet ass wichteg fir Lëtzebuerg an eisen Aen. Mee et feelt un Transparenz."

Nächst Etapp: PAP

De Buergermeeschter bleift awer formell: Hien hätt keng Detailer vu Google kritt. Et hätt een awer Detailer vun anere Sitten aus der Belsch, Holland an anere Plaze kritt.

Trotz deem politeschen Eclat an der Biisser Gemeng ass de Projet fir e Google Datenzenter e gudde Krack virukomm. D'Ëmklasséierung vum Terrain am PAG ass elo duerch, an déi nächst Etapp, de PAP, wäert kommen, seet de Jos Schummer. De Minister hätt dräi Méint Zäit fir seng Autorisatioun ze ginn, an da géif d'Prozedur weidergoen.

Um Enn seet de Jos Schummer nach: hie wier trotz allem zefridde mam Resultat vum Vott. Et kéint een elo mam PAP ufänken, "wou mir ebe genee déi Froe kënne beäntweren".

An der Mediathéik:

Aktuelles / / Pierre Reyland
Lauschteren

Méi zum Thema

Jos Schummer
Google-Datenzenter

Momentan schafft eng Task force um Projet Google-Datenzenter, seet de Buergermeeschter vu Biissen. A véier bis fënnef Méint kéint de PAG gestëmmt sinn. Google géif säi Projet da méi genee virstellen, sou de Jos Schummer.

google.jpg
Data Center

Domat soll d'Fläch vu ronn 35 Hektar, als "zone spéciale Data Zenter" klasséiert ginn. Deemno dierft just een Data Zenter sech do nidderloossen. Kritik gouf et, well eng Partie Froen nach op stinn.

Google
Datenzenter

De Gemengerot zu Bissen wëllt nach am November iwwer d'Ëmklasséierung vum Terrain, op deem Google sech wëll nidderloossen ofstëmmen. Dat seet de Buergermeeschter vu Bissen op Nofro hin.

google.jpg
Digital Ekonomie

D'Pläng fir en Datacenter vu Google an der Gemeng Biissen wäerte sech 2018 konkretiséieren. Enger gutt informéierter Source no ass déi prinzipiell Decisioun fir de Bau vun engem Datacenter gefall.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen