COP26 Weltklimakonferenzen hu "bis elo net vill bruecht"

De Pascal Husting erwaart sech net, datt op der Weltklimakonferenz zu Glasgow grouss Schrëtt a Richtung vu enger méi ambitiéiser internationaler Klimapolitik geholl ginn.

Rick Mertens / tt

Cop26
Ee Plakat zu London virun der Cop26. Foto: picture alliance / Photoshot

De fréiere Programmchef vun der Ëmwelt-ONG Greenpeace seet, wann een sech ukuckt, wat déi 25 Klimakonferenzen, déi bis elo ware bewierkt hätten, da géif ee feststellen, datt déi Versammlunge bis elo net ganz vill bewierkt hätten:

"Wann een sech d'Geschicht vun de 25 Klimakonferenzen ukuckt, déi et bis elo gouf, a wann een dat vergläicht mat der Entwécklung vun den Zäregas-Emissiounen, dann hunn déi politesch Rendezvousen do u sech net vill bruecht."

An awer hält de Pascal Husting et fir sënnvoll, datt vun e Sonnden un Vertrieder vun iwwer 190 Länner sech treffe fir hir Klimaziler ze evaluéieren:

"Ech mengen et muss een der Iddi Zäit ginn. Quitt datt eng Urgence climatique do ass, si mer an engem Transitiounsprozess, deen all Beräich vum Liewe betrëfft. An dofir mengen ech muss een hei, trotzdeem datt ee gären hätt datt et geschitt, sech e bëssen Zäit ginn."

D'Iddi, datt all d'Länner eege Klimaziler mussen op den Dësch leeën, wier zum Beispill eréischt 2015 mam Klimaaccord vu Paräis entstanen.

An der Mediathéik:

Invité:e vum Dag / / Rick Mertens
Lauschteren

Méi zum Thema

Carole Dieschbourg
Klimawandel

Den IPCC-Rapport ass ee kloert Alarmsignal fir d'Carole Dieschbourg. Nieft nationale Mesurë géint de Klimawandel wéilt Lëtzebuerg och bei der nächster Klimakonferenz zu Glasgow Positioun ergräifen.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen