Steierlandschaft Wie bezilt zu Lëtzebuerg wat fir eng Steieren?

Wie bezilt zu Lëtzebuerg wat fir eng Steieren, a wéi vill? Virun dräi Joer hat de Wirtschafts- a Sozialrot déi éischte Kéier e Compendium zesummegestallt mat den Zuelen, déi d'Steierverwaltung zur Verfügung gestallt huet. Déi zweet aktualiséiert Editioun gouf der Press gëschter virgestallt. An dem 200 Säiten décken Dokument ass den Impakt vun der Steierreform vun 2017-18 nach mat agerechent.

Mick Entringer / cz

Comité économique et social
Foto: Rapport d'activité 2009-2011 CES

D'Analys vum CES, dem Wirtschafts- a Sozialrot, war virun de Wahlen erwaart ginn; elo kënnt se matzen an de Koalitiounsverhandlungen. Et freet ee sech firwat. Schwéierpunktthema an der zweeter Editioun vun der Analys iwwer d'Steieren zu Lëtzebuerg ass d'Betribsbesteierung, déi haaptsächlech aus der Kierperschaftssteier an dem Impôt commercial communal besteet. Déi misst onbedéngt vun den aktuelle 26 Prozent op 21 Prozent erofgoen, fuerdert de Patronatsvertrieder Jean-Jacques Rommes.

Den CES fuerdert doriwwer eraus och eng Fusioun vun den zwou klassesche Betribssteieren, "well dat et vill méi einfach mécht fir en Taux no baussen ze presentéieren". De Jean-Jacques Rommes stellt sech een Taux unique fir dat ganzt Land vir, "an dat ass dann dat, wat d'Betriber bezuelen, an da wësse se wou se dru sinn. Et ass och einfach op déi Aart a Weis d'Land no baussen ze verkafen".

An der Analys wier ee sech tëschent Sozialpartner a Staat eens, datt déi international Kompetitivitéit bei de Steieren an Zukunft net méi op der Assiette fiscale wäert spillen, mee um Zënstaux. Wat wier da fir de Salariatsvertrieder am CES eng ënnescht Grenz beim Taux vun der Betribsbesteierung? De Marco Wagener vum LCGB an aktuelle President vum Wirtschafts- a Sozialrot äntwert esou: "Also et muss méi si wéi zéng Prozent. Méi wéi den ireschen Taux zum Beispill, mee ech soen elo net 18, ech soen net 25 oder esou."

CES-Vertrieder oneens, wéini an ob Steiertaux soll geännert ginn

Et wier awer nach net kloer, wéi op internationalem Plang d'Konkurrenz tëschent de Besteierungstauxen an Zukunft wäert spillen, esou de Marco Wagener. Et wier och nach net gewosst, wat fir en Impakt déi europäesch Direktiv iwwert Steierflucht wäert op Lëtzebuerg hunn, déi d'nächst Joer a Kraaft trëtt. Dofir sollt ee waarden, éier een de Besteierungstaux fir Betriber ännert, fënnt de Salariatsvertrieder. Dozou gouf et dann dach eng politesch Ausso vun der Pascale Toussing, der aktueller Vizepresidentin vum Wirtschafts- a Sozialrot. Als Vertriederi vum Staat, an Direktesch vun der Steierverwaltung, wollt si sech éischter an der Interpretatioun vun den Zuelen zeréckhalen.

Vum Point de vue vun der Steierverwaltung wier et awer schwiereg ze soen "dann observéiere mir mol a wann da Betriber fort ginn, da musse mir eppes maachen. Dann ass et a mengen Aen ze spéit", sou d'Pascale Toussing.

E gemeinsame Constat vun de Sozialpartner war, datt bei enger eventueller Reform vun der Grondsteier, fir d'éischt muss gekläert sinn, firwat ee se mécht, éier een se mécht, seet de Jean-Jacques Rommes. Hie wier sech net sécher "op an deene Reflexiounen, déi bis haut do gefouert ginn, e reellt Zil virgesinn ass." Deemno wéi een Zil ee sech géif setzen, misst een d'Stéier "komplett nei denken". Dee Moment géif ee vun enger "gewalteger Reform" schwätzen. "Wann een einfach de Staatsbudget wëllt fëllen, da geet et duer, datt dir d'Steier mat zéng multiplizéiert. Dann ass d'Saach an der Rei, verstitt dir?" D'Spekulatioun am Logement bremsen, kéint esou en Zil fir d'Salariat sinn.

Kritik un Etüd iwwer Tanktourismus

E Konsens tëschent Gewerkschaften, Patronat a Vertrieder vum Staat gouf et da bei der Kritik un der Etüd vum Dieter Ewringmann iwwer den Tanktourismus.

De Wirtschafts- a Sozialrot misst sech vun dëser Etüd distanzéieren, sou d'Pascale Toussing. "Mir sinn effektiv der Meenung, datt den Usaz fir dat Ganzt ze quantifizéiere vill méi wäit misst goen a vill méi nuancéiert sinn, wéi dat wat den Dokter Ewringmann hei mécht."

D'Etüd déi 2014 am Optrag vum Ëmweltministère duerchgefouert gi war a virun zwee Joer verëffentlecht gouf, hat virgerechent, datt de Käschtepunkt vum sougenannten Tanktourismus bei 3,5 Milliarde leit. 1,4 Milliard iwwer de Recetten.

An der Mediathéik:

Aktuelles / / radio 100,7
Lauschteren

Méi zum Thema

Pia Oppel Analys
Chamberwahlen 2018

Vill Parteie wëllen d'Grondsteier an d'Steierklasse reforméieren, grad ewéi kleng Revenuen a Betriber entlaaschten. An hire Wahlprorammer engagéieren d'Parteie sech awer zu wéineg Konkretem.

Pia Oppel Analys
Chamberwahlen 2018

All d'Parteie si géint Aarmut an ze grouss sozial Inegalitéiten. Mee vill Wahlprogrammer evitéiere méi sensibel Aspekter vun dëser Thematik, notamment d'Inegalitéite vum Patrimoine, fënnt d'Pia Oppel.

monoparental Famill
Steierreform

Déi gréisste Verléierer bei der Steierreform wieren d'monoparental Famillen, esou d'Kritik op enger rezenter Diskussiounsronn. Si géife bis zu fënnef mol méi Steiere bezuelen, wéi bestuete Koppelen ouni Kanner.

Etienne Schneider.jpg
Stabilitéits- a Wuesstums-Programm

Aktuell wuessen d'Depensë méi staark wéi d'Recetten. D'Regierung hätt hir Depensepolitik net am Grëff, kritiséiert d'Oppositioun. De Wirtschaftsminister Schneider verweist op déi héich Investissementer.

Steierrulingen.jpg
Steierregelen

Lëtzebuerg setzt nei Regele vun der EU an der OECD ëm. Resultat: Steierrulingen vu virum 1. Januar 2017 sinn – enger rezenter Circulaire no – net méi gülteg. Dat huet Konsequenzen, soen Experten.

Steierpolitik
Steierpolitik

D’EU-Kommissioun plangt eng nei, eenheetlech Besteierung vun de Konzerner, ACCIS. Fir Lëtzebuerg kéint dat fatal sinn, fäert d'UEL. D'Lëtzebuerger Betribsbesteierung wier dann net méi kompetitiv genuch.

Business Hands Put Coin
Steierreform

D'Steierverwaltung fuerdert méi Informatioune vun de Betriber iwwer d'Salairen, déi se a Form vun Optiounen op Aktien ausbezuelen. Déi Donnéeë sinn och fir d'Steierreform relevant.

 

Net verpassen

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen