Europawahlen 2019 Wie kandidéiert fir d'Europaparlament?

60 Kandidate vun zéng Parteien trieden de 26. Mee bei den Europawahlen hei am Land un. Den Delai fir d'Lëschten ze deposéieren ass ofgelaf. Eng Analys vun de Kandidaten.

Pia Oppel / Claude Biver

Analys Europawahlen 2019
Foto: Bigstock / tanaonte.

All d'Parteien hu jeeweils dräi männlech an dräi weiblech Kandidaten. CSV, DP, LSAP, gréng a Lénk trieden iwwerdeems mat jeeweils engem Mann an enger Fra als Spëtzekandidaten un.

Aus Geschlechterperspektiv net equilibréiert si just d'Lëschte vun der Piratepartei an déi Konservativ, déi jeeweils just zwou Kandidatinnen hunn. Si hunn dem Parteiefinanzéierungsgesetz no dowéinst manner finanziell Ënnerstëtzung zegutt.

Demographesch Donnéeën

Den Duerchschnëttsalter vun de Kandidaten ass 43,5 Joer. Déi Konservativ hu mat enger Moyenne vu bal 52 Joer déi eelste Kandidaten, virun der DP mat 48 Joer. Déi lénk Kandidate si mat duerchschnëttlech 38 Joer am jéngsten, virun de VOLT-Kandidate mat 39 Joer.

Déi eelst Kandidate sinn de Martin Kox (déi gréng) an de Rolf Tarrach (VOLT) mat allebéid 71 Joer. Déi jéngst Kandidate sinn d'Mara Martins (déi Lénk) an de Christian Welter (Piratepartei/PID) mat 20 Joer.

Just zwee Kandidaten hunn net déi Lëtzebuerger Nationalitéit. 11 Kandidaten hunn nieft der Lëtzebuerger nach eng aner Nationalitéit.

Vill nei Kandidaten

48 vun de 60 Kandidaten trieden eng éischte Kéier bei Europawahlen un. Am heefegsten huet den DP-Spëtzekandidat Charel Goerens kandidéiert: Hien ass zanter den éischten Europawahle vun 1979 an deemno fir d'néngte Kéier dobäi. De Charel Goerens war zanter den 80er während am Ganze véier Mandater Europadeputéierten.

Op zweeter Plaz kënnt den ADR-Deputéierte Gast Gibéryen, dee fir d'sechste Kéier mat an d'Europawahle geet - ouni jee ee Mandat kritt ze hunn.

Kandidate mat politescher Erfahrung

23 vun de Kandidaten hu schonn een anert politescht Mandat, déi meescht (17) op Gemengenniveau. Sechs Chamberdeputéiert gi mat an d'Wahlen.

Een Drëttel vun de Kandidate si Salariéen. 11 sinn oder ware Fonctionnairen, véier dovunner Enseignanten. Véier sinn oder waren Independant. Néng si Schüler oder Student. Fënnef si Pensionéiert.

Méi zum Thema

VOLT Europe Exklusiv
Europawahlen 2019

Déi pan-europäesch Partei Volt huet déi 250 Ënnerschrëften zesumme fir kënnen un den Europawahlen de 26. Mee deelzehuelen. Dat sot eis de President vu Volt Lëtzebuerg, George Penn.

LSAP Kongress
Europawahlen 2019

D'LSAP geet mat enger duebeler Spëtzt an d'Wahlen. De Schwéierpunkt vum Wahlmanifest läit op soziale Rechter an dem Klimaschutz. D'Kandidatelëscht gouf mat 90 Prozent vun de Stëmmen ugeholl.

Parteikongresser fir d'Europawahlen
Europawahlen 2019

Véier Parteien haten hire Kongress fir d'Europawahlen. DP, déi gréng, ADR an déi Lénk hunn hir Kandidaten an hire Wahlprogramm virgestallt. D'ADR presentéiert hire Programm ee Mount virun de Wahlen.

Europawahlen 2019
Europawahlen 2019

Ronn 12 Prozent vun den EU-Auslänner hu sech fir d'Europawahlen am Mee ageschriwwen. Deen Taux ass am Verglach mat 2014 konstant bliwwen. Vill Leit hunn och d'Lëtzebuerger Nationalitéit ugeholl.

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen