Zesummenaarbecht Post - Raiffeisen
D’Post wëll nach dëst Joer eng Decisioun huelen iwwert eng eventuell Zesummenaarbecht mat der Raiffeisen. D’Post a Raiffeisen fänken elo Verhandlungen un, iwwert en Zukunfts-Modell fir de Postchèque.
Well de CCP wéinst de niddregen Zënsen zanter Joren Perte mëscht, wëll d’Post ee rentabele Modell entwéckelen, dee gläichzäiteg awer och den Erwaardunge vun de Client’en entsprécht.
D’Post an d'Raiffeisen si sech nach net iwwert ee Modell eens ginn, mee onsen Informatioune no, kéint de Postchèque bei der Post bleiwen, mee Zougrëff op Finanz-Produit’en vun der Raiffeisen kréien, wéi beispillsweis de Spuerkont.
Fir Käschten ze spueren géing doriwwer nogeduecht ginn, fir Aktivitéiten vun der Post a Raiffeisen-Agencen z’integréieren. Vun de ronn 100 Post-Bureau’en am Land wieren der nämlech just puer rentabel. Hei stellt sech d’Fro ob d’Raiffeisen-Agencen och Post Courrier Aktivitéiten kéinten ubidden.
Méi am Bäitrag vum François Aulner:
