De radio 100,7 Archiv Op Besuch bei Anne a Pit Weyer

Anne a Pit Weyer: och wann een net direkt eppes mat den Nimm ufänke kann, hir Aarbecht huet ee sécher schonn iergendwou gesinn. Masken, Kostümer oder Bünebiller fir Theaterstécker, Affichë fir d'Schueberfouer oder soss etlech Plakater, als Reklamme fir Entreprisen hei am Land.

Ob Besuch beim Anne a Pit Weyer 2003.

Jiddweree vun hinnen huet säi ganz eegenen onverkennbare Stil. An der Broschür zum Pit Weyer senger Affichen-Ausstellung 2002 bréngt de Pol Greisch dat esou op de Punkt: "'t gëtt e sëllechen Artisten. Déi eng erkenns de blannemännerches, déi aner ënnerschreiwe barbaresch grouss, an du kanns se nawell net liesen. Déi eng hu Charakter a Stil, déi aner klakeg Faarwen an ower kee Gesiicht."

Dat gëllt net eleng fir dem Pit Weyer seng Plakater an Zeechnungen mat de charaktervolle Stréch, mee och fir der Anne Weyer hir Masken an Illustratiounen. D'Koppel huet méi wéi 30 Joer mat senger kënschtlerescher Aarbecht dem Theater zu Lëtzebuerg duerch seng Affichen, Bünebiller, Kostümer an Ausstattungen e Stempel opgedréckt.

Och wann een de Pit an d'Anne dacks an engem Zockt nennt, well si zesummegehéieren, hu mer et dach mat ganz verschiddene Kënschtlersensibilitéiten a Charakteren ze dinn.

De Claude Mangen huet allebéid agelueden fir méi iwwer dës Artistekoppel gewuer ze ginn.

Programm

Praktesch Infoen

  • 31.5. Schengener Gespréicher

    31.5. Schengener Gespréicher

    D'Pandemie - vum Coronavirus ausgeléist - huet dem Commerce an der Groussregioun grouss finanziell Abousse bruecht. Mëttlerweil sinn d'Geschäfter nees op, mee vun enger ekonomesch gesonder Vitesse de croisière ass een nach wäit ewech.

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen