#chamberleak

De Chamberpresident respektéiert d'Entscheedung vum Parquet, fir déi sougenannt Chamerleak-Affär ouni juristesch Suitten ze klasséieren. D'IT-Equipe vun der Chamber soll verstäerkt ginn an d'Chamber soll en neien Internetsite kréien.

De radio 100,7 begréisst ausdrécklech, datt de Parquet d'Affär Chamberleak zougemaach huet an déi zwee Journaliste Jean-Claude Franck a Claude Biver net inculpéiert goufen.

Ee Joer no de Chamberleaks ass d'Enquête vun der Justiz nach net ganz ofgeschloss. Dat sot eis de Justizspriecher Henri Eippers op Nofro hin. Virun engem Joer hat dëse Radio op Sécherheetsproblemer um Internetsite vun der Chamber opmierksam gemaach.

D'Affär Chamberleak, déi d'Justiz, d'Press an d'Chamber am Joer 2018 beschäftegt huet, ass nach net ofgeschloss. Géint de radio 100,7, deen d'Affär public gemaach huet, leeft nach ëmmer eng Instruktioun vum Untersuchungsriichter.

Beim radio 100,7 gouf et um Dënschdeg eng Perquisitioun vun der Police Judiciaire wéinst der Affär ëm Dokumenter, déi um Site vun der Chamber accessibel waren. Et goufe keng Dokumenter saiséiert.

Wéi sécher sinn d'Datebanken a - méi allgemeng - déi informatesch Systemer beim Staat? Oder am Privatsecteur? Wéi ass et mam Dateschutz, grad am Hibléck op déi nei Dateschutz-Reglementatioun?

Internetnotzer, déi Sécherheetslacunen a staatleche Systemer entdecken, sollen d'Faillë mellen, esou de CTIE. Domat reagéiert de staatlechen Informatikzerwiss op eng 100,7-Meldung.

GovCert huet der Chamber offréiert eng Konventioun ofzeschléisse fir zesummen ze schaffen. D'Generalsekretariat vun der Chamber ass dorop awer net agaangen an huet déi politesch Responsabel net informéiert.

D'Chamber, de GovCERT an de SREL wousste scho virum radio 100,7 iwwert eng méiglech Sécherheetslacune um Chambersite Bescheed. D'Source vum Problem gouf awer net entdeckt an de Parquet net direkt doriwwer informéiert.

De Chaos Computer Club Lëtzebuerg fuerdert ee bessere Schutz fir Whistleblower. Informatesch Systemer géifen ëmmer méi komplex ginn an déi staatlech Autoritéiten géifen déi Sécherheetsfeeler net ëmmer bemierken.

Dem radio 100,7 läit e Fall vir vun enger Sécherheetslacune op enger staatlecher Internetplattform. Si gouf net behuewen, well de Whistleblower kee Schutz viru penale Sanktioune garantéiert krut.

De radio 100,7 wäert weider op den Dokumenter schaffen, déi ëffentlech um Chambersite waren. Wa si d'Interêt public sinn, wäerte se der Ëffentlechkeet matgedeelt ginn. Wéi ass den 100,7 op de Problem gestouss?

D'Ausmooss vum Chamberleak ass 100,7-Recherchen no nach méi grouss wéi ufanks geduecht. Entgéint éischten Aussoe waren och sécherheetsrelevant Informatioune concernéiert.

No der Sécherheetspann op chamber.lu huet de Chamberbureau de Mëtteg unanime decidéiert, d'Informatiounen un de Parquet weiderzeleeden. Dat annoncéiert de Chamberpresident Mars Di Bartolomeo.

Aus engem interne Rapport, dee mir consultéiere konnten, geet ervir, datt d'Fraktioune sech nach virun aacht Méint beschwéiert hunn, datt d'Press net genuch iwwer d'Chamber schwätzen a schreiwe géif.

Den Internetsite vun der Chamber war méi wéi 30 Stonnen offline. Grond dofir ware Recherchë vum radio 100,7. Et wier keng Intrusioun gemaacht ginn, seet den 100,7-Chefredakter. D'Informatioune wieren ëffentlech iwwer de Chambersite accessibel gewiescht.

D'Sécherheetslacune um Internetsite vun der Chamber beschäftegt elo och déi national Dateschutzkommissioun, seet d'Presidentin. Et misst een ofwaarden, ob d'Dateschutzkommissioun eng Enquête opmécht.

D'Presidente vun de Chamberfraktioune si besuergt nom Opdecke vun der Sécherheetslacune um Internetsite. Wat genee geschitt ass, schéngt nach net kloer. Et wéilt een Analysen ofwaarden, heescht et.

Um Internetsite vun der Chamber ware bis e Mëttwoch den Owend eng ganz Partie intern a sensibel Dokumenter net adequat geséchert. Dat weise Recherchë vum radio 100,7.