Invité am Moies-Magazin 14 Joer um gréngen Hiwwel

Déi lescht 14 Joer hat de lëtzebuergeschen Theatermann Frank Hoffmann als Intendant d'Soe bei de Ruhrfestspiller zu Recklinghausen, an et ass wuel net vermëssen ze soen, datt d'Ruhrfestspiller am Pott elo mat zu de bedeitendsten europäeschen Theaterfestivaler zielen.

Jean-Claude Majerus / cbi

Frank Hoffmann

Wann elo bis Enn dës Joers déi leschte Kuel geschëppt ass, geet net nëmmen industriell eng Epoch op en Enn, mä um gréngen Hiwwel ass de Schlussaccord fir de Frank Hoffmann. Et wieren erfollegräich Jore gewiescht, déi och mënschlech a kënschtleresch zu dem Schéinste gehéiert hunn, wat hien a sengem Liewen erlieft hätt, seet de Frank Hoffmann.

E Lëtzebuerger soll d'Festspiller retten

Ënner sengem Virgänger, dem Frank Castorf, ass d'Zuel vun de Spectateuren an de Keller gerutscht, d'Noutbrems gouf gezunn, an de Frank Hoffmann sollt d'Ruhrfestspiller aus dem Déif erausféieren. Dat war fir de Frank Hoffmann eng Iwwerraschung, datt hien d'Festspiller rette sollt. Et hätt hien awer och faszinéiert, an et wier och eng Erausfuerderung gewiescht.

An der Zeen hätt ee sech erwaart, datt e berühmten däitschen Theatermann géif kommen. Amplaz wier e Lëtzebuerger domat beoptraagt ginn, fir d'Festspiller ze retten. Säin Numm hätt am Virfeld net an der Press zirkuléiert, an deementspriechend wiere vill Leit iwwer dem Frank Hoffmann seng Nominatioun erstaunt gewiescht. Dëst hätt awer net laang ugehalen, bis datt d'Leit hie mat oppenen Äerm empfaangen hunn, erënnert sech de Frank Hoffmann.

Spueren an investéieren

Ugangs hätt een e limitéierte Budget gehat, mä de Frank Hoffmann hat eng Strategie: Et sollt een do spueren, wou ee kann. Et hätt en Defizit vun 880.000 Euro ginn, an dat bei engem Budget vu fënnef Milliounen Euro. "Dat ass schonn en immens groussen Deel, an do muss ee kucken, datt een (...) spuert", seet de Frank Hoffmann.

Fir mat dëser schwiereger finanzieller Situatioun eens ze ginn, hätt hien déi fest Beleegschaft vum Fest relativ kleng gehalen an hätt och vill Geld investéiert a Produktiounen, wou hie gehofft huet, datt se erëm Leit géif unzéien, erënnert sech de Frank Hoffmann.

An der Mediathéik:

Lauschteren

Méi zum Thema

Danièle Wagener
Invitée am Moies-Magazin

D'Danièle Wagener ass zanter 32 Joer Direktesch vum City Museum a vun der Villa Vauban. Si hätt Verschiddenes an d'Weeër geleet, an et wier elo e gudde Moment, fir mat där Aktivitéit opzehalen.

Jeanne Glesener
Invité am Moies-Magazin

D'Uni Lëtzebuerg organiséiert eng Virliesungsrei ënnert dem Titel "Kulturgeschicht Lëtzebuerg". D'Jeanne Glesener, Professorin op der Uni Lëtzebuerg, huet dës Virliesungsrei organiséiert.

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen