Festival de Cannes 2019 ACID: Resistenz an Onofhängegkeet

Resistéieren, dat ass d'Leitmotiv vun ACID. Zanter 27 Joer setzt d'Associatioun sech fir en onofhängege Kino an. Mat néng Filmer ass d'Association du cinéma indépendant pour sa diffusion dëst Joer um Filmfestival vu Cannes vertrueden. Mat enger paralleller Programmatioun. D'Maxi Pesch huet sech zu Cannes mam Co-President, de Regis Sauder, ënnerhalen.

Maxi Pesch / cz

ACID CINEASTES

Et ass eng Associatioun vu Cineasten. Eng Chaîne vu Solidaritéit, déi viru 27 Joer entstanen ass. An déi Filmer vu Cineaste gi während dem ganze Joer begleet. Ugefaange mat der Programmatioun zu Cannes.

Seet de Regis Sauder, Co-President vun ACID. Néng Filmer huet d'Associatioun dëst Joer erausgesicht. Si lafen an enger paralleller net kompetitiver Programmatioun. Dacks sinn et Filmer ouni Distributeur.

Mir hu Filmer, déi schaffe ronderëm de Sujet vun der Disparitioun. Zum Beispill de Film "Vif-argent" vum Stéphane Batut oder nach "L'angle mort" vum Pierre Trividic a Patrick Mario Bernard. Alles Filmer, déi d'Sujeten op eng bëssen aner Manéier upaken.

Et wier grad dës Diversitéit déi d'Associatioun ausmécht.

D'DNA vun ACID wier grad déi verschidde Blécker op Sujeten, an déi verschidde Forme vu Filmer. Mir sinn opmierksam op déi nei Schreifweis an op déi Cineasten, déi dat incarnéieren. An dat ass de Fall zanter 27 Joer. Mir hu Cineasten, déi hu bei ACID ugefaangen a sinn elo an der Haaptkompetitioun.

Wéi zum Beispill d'Justine Triet, déi dëst Joer mat "Sibyl" an der Haaptkompetitioun um Festival untrëtt. Hire film "La Bataille de Solférino" war 2013 an der Programmatioun vun ACID. Mee net nëmmen zu Cannes spillt d'Associatioun eng Roll fir den onofhängege Kino. Während dem ganze Joer steet d'Promotioun an d'Begleedung am Virdergrond.

Mir begleeden d'Filmer vun de Cineaste während dem ganze Joer. Mir organiséiere Renconteren tëschent Schüler, mir maachen Educatioun à l'Image.

Gegrënnt gouf ACID 1991 ënner anerem vum Luc Béraud, Serge Le Péron oder nach de Gérard Mordillat.

An der Mediathéik:

Kultur / / Maxi Pesch
Lauschteren

Méi zum Thema

Les Miserables
Festival de Cannes 2019

"Les Misérables" ass e beweegende Film, mat engem haarde sozialen Hannergrond. Op Aenhéicht gefilmt, geléngt et dem Realisateur ganz no u jonk Fransouse mat afrikaneschen Originnen erunzekommen.

The Dead don't die
Festival de Cannes 2019

De Film "The Dead Don't Die" vum Jim Jarmusch huet dëst Joer déi 72. Editioun vum Film Festival zu Cannes opgemaacht. Den Thierry Besseling huet fir eis éischt Impressioune gesammelt.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen