Casino Lëtzebuerg Casino kritt 2016 eng nei Direktioun

​D’Nancy Braun gëtt d’Nofolgerin vum Jo Kox am Casino Lëtzebuerg - Forum d’art contemporain. Di aktuell General-Coordinatrice vun der Demokratescher Partei fängt den 1. Januar 2016 als Administratrice vum zäitgenëssesche Konschtmusée un. D’Generaldirektioun vum Casino iwwerhëlt de Kevin Muhlen, deen zënter 2012 déi artistesch Direktioun assuréiert huet.

20150613-nancy-braun-88-1024x683.jpg
​D'Nancy Braun mat der Kulturministesch Maggy Nagel bei der Ouverture vun de Rotonden am Juni (©Rotondes/Sven Becker)

Den administrativen Direkter Jo Kox hält, wéi annoncéiert, no bal 20 Joer beim Casino op. D’Nancy Braun kennt de Kultursecteur. Si ass Presidentin vum Verwaltungsrot vun de Rotonden a war als Coordinatrice générale adjointe während dem Kulturjoer 2007 déi riets Hand vum Robert Garcia.

Bis elo hunn de Jo Kox an de Kevin Muhlen sech d'Direktioun gedeelt, ee Generaldirekter gouf et net. Lo huet de Verwaltungsrot vun der Asbl eng Ëmstrukturatioun vun de Posten decidéiert. Dat hätt awer keen Afloss op den Oflaf vun der Aarbecht, sou d’Nancy Braun. D'Verdeelung vun de Responsabilitéite wier kloer an et kéint een esou gutt als Team zesummeschaffen.

Budgetscontrainten als Defi

De Casino Lëtzebuerg leid wéi vill aner Heiser ënnert de Spuermesure vun der Regierung am Kulturberäich. D’Nancy Braun zéckt trotzdem net, de Posten als Administratrice a finanziell schwéieren Zäiten ze iwwerhuelen. Dat wier kloer een Defi. Mee déi zukënfteg administrativ Direktesch ass der Meenung, dass de Casino och no 20 Joer nach seng Plaz huet. "Lo ass et u jidderengem seng Ärm erop ze strëppen, no fir ze kucken an déi néideg Finanzementer ze fannen, fir dass d'Haus ka weider funktionéieren."

De Jo Kox bleift bis Enn Mäerz op sengem Posten am Casino. Den aktuellen administrativen Direkter sot haut op Nofro hinn, doduerch sollen d’Transitioun fir d’ganz Ekipp an de Start fir d’Nancy Braun vereinfacht ginn. Et wier fir de Casino Zäit, sech nei ze positionéieren, sou de Jo Kox am 100,7-Interview.

 

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen