Mierscher Kulturhaus "D'Decisioun ass nach net am Häerz an am Bauch ukomm"

13 Joer an dräi Méint war si Directrice vum Kulturhaus Miersch. Als Directrice huet d'Karin Kremer scho vill beweegt an deene bal 14 Joer am regionale Kulturzenter zu Miersch. De Projet "blancontact" oder de gemeinsame Kanner- a Jugendprogramm "CACU" mam CApe zu Ettelbréck, de Projet "Bock op Kultur", fir nëmmen déi ze nennen.

Nathalie Bender / Jean-Claude Majerus / cz

Karin Kremer_.JPG
D'Karin Kremer huet den 31. Dezember hire leschte Schaffdag als Directrice vum Mierscher Kulturhaus

Donieft war et fir Karin Kremer och wichteg d'Mierscher Kulturhaus net nëmme regional an national ze gesinn, mee och lokal, an domat och fir d'Veräinsliewen eng oppen Dier ze hunn.

Den 31. Dezember ass de leschte Schaffdag an dono fänkt Pensioun un. Virun zwee Joer gouf d'Karin Kremer op eiser Antenn schonn emol gefrot, ob d'Pensioun en Thema wier. Deemools war et nach e kloren "Nee". D'Decisioun wier bis elo am Kapp ukomm, "mee nach laang net am Häerz a scho guer net am Bauch."

D'Decisioun, datt et no 14 Joer géif duergoen, hätt eleng si geholl, "well ech der Meenung sinn, datt een iergendwann eng Kéier am Krees dréint. Wann ee kuckt, wat ronderëm eis ass, an Däitschland, der Belsch a Frankräich, da gees de als Intendant ab enger gewëssener Zäit, an dat ass och richteg esou."

Si hätt déi Decisioun virun engem Joer geholl, well "neit jonkt Blutt an d'Haus muss erakommen". "Dat Meedche wat elo 14 Joer huet, dat muss elo an d'Erwuessenephas eragefouert ginn."

An der Mediathéik:

Lauschteren

Méi zum Thema

Pierre Fattebene
Brietspill

Zu London gëtt d'Weltmeeschterschaft am Schach gespillt. De Magnus Carlsen spillt do géint de Fabiano Caruana. Zu Lëtzebuerg gëtt et eng Schachfederatioun, an där de Pierre Fattebene President ass.

Jhemp Hoscheit
Lëtzebuerger Schrëftsteller

Den neie Roman "Wootleche Krich" ass den drëtten Deel vun enger Trilogie vum Jhemp Hoscheit. 20 Joer leien tëschent dem éischte Roman an elo dem drëtten. Et ass wuel eng Trilogie, awer keng Chronologie.

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen