Offiziell Kompetitioun D'Liewen, eng wonnerschéin a gëfteg Blumm

Déi am Vietnam gebueren Ash Mayfair huet mat "The Third Wife" hiren éischte Long-métrage gedréint. Ee Film iwwer d'Plaz vun der Fräiheet an engem vum Schicksal dominéierte Liewen.

Michel Delage

Luxfilmfest THIRD WIFE (c) All rights reserved (11).jpg

Am Vietnam vum 19. Joerhonnert gëtt dat 14 Joer jonkt May déi drëtt Fra vun engem Grondbesëtzer. Wärend d'Meedchen no an no de Fonctionnement vum Liewen um Gutt a seng eege Sexualitéit entdeckt, huet et sech zum Zil gesat, fir hire Mann ee Jong op d'Welt ze setzen.

Ee Béischt gëtt gebuer. Raupe produzéiere Kotteng. Den Här peitscht ee vu sengen Dénger aus. Ee Kand kënnt op d'Welt. Een Hong gëtt ausbludde gelooss. D'Hochzäitsnuecht leeft iwwert d'Bühn, no deem selwechten, éiwege Ritual. ''The Third Wife'' weist de Portrait vun enger Gesellschaftsuerdnung, déi sech praktesch mat den Naturgesetzer deckt.

Dem Schicksal ausgeliwwert

D'Liewen ass eng permanent Widderhuelung vun deem selwechten Zyklus. D'Zäit vergeet roueg wéi d'Joreszäiten, déi sech ofwiesselen. Oder wéi d'Waasser, dat fléisst - ee vun de grousse Motiver an dësem vu Symboler iwwerluedenen, kontemplative Film, deen de luesen Tempo virgëtt.

Grad ewéi alles aneschters an der Natur hunn d'Mënschen hir Plaz, hir Funktioun an der strenger Hierarchie vun där klenger Gesellschaft. Och dem Här seng dräi Fraen huelen hiert Schicksal wéi selbstverständlech a Kaf, zum Beispill wann et drëms geet, seng sexuell Wënsch z'erfëllen. Si mussen sech hirem vu Gott gewollte Schicksal ënnerwerfen - fir d'Fräiheet vum Eenzele bleift do net vill Plaz.

D'Léift als Stéierfacteur

Fir Handlung ze dramatiséiere féiert déi jonk Regisseurin Ash Mayfair d'Léift als dee grousse Stéierfacteur an d'Geschicht an. Allerdéngs schéngt ee géint d'Schicksal nëmmen unhand vun enger transgressiver Form vu Léift (Inzest, Homosexualitéit) unzekommen. Dësen Affront géint d'Naturgesetzer gëtt da mat Ongléck, mam Dout bestrooft...

An der allgemenger Rou vum éiwege Liewenszyklus wierkt d'Gewalt vun dëse Gefiller nëmme wéi e Fonken, wéi e sporadeschen Donnerschlag. Déi geleckte Bildästhetik am Genre ''luxe, calme et volupté'' bei den Naturopnamen oder de gefilmte Gesiichter suergt fir ee weidere Kontrast : d'Liewen ass eng wonnerschéi Blumm, mee eng gëfteg Blumm.

Ambivalent Sexualitéit

An ''The Third Wife'' stécht och déi erotesch Atmosphär ervir. D'Sexualitéit gëtt net nëmmen als Mëttel zum Zweck duergestallt (Kanner maachen, den Här befriddegen), mee och als Quell vu weiblechem Pleséier. Besonnesch dat jonkt May, deem seng sënnlech Lëpse vun der Kamera ënnerstrach ginn, entdeckt dës Ambivalenz : mol als Symbol vun der Ënnerdréckung duerch d'Schicksal, mol als Moment an deem een esou eppes ewéi Fräiheet kann ausliewen.

Fir en éischte Long-métrage ass ''The Third Wife'' sécherlech eng Reussite, ee Film, dee sech duerch seng formell Schéinheet an och seng Kohärenz auszeechent.


"The Third Wife" leeft nach dëse Méindeg 11. Mäerz um 18.30 an der Cinemathéik, an en Donneschdeg 14. Mäerz um 16.30 am Utopia.

Méi zum Thema

THE ANNOUNCEMENT - all rights reserved  (2).jpg Luxfilmfest
Offiziell Kompetitioun

Eng minimalistesch Mise en scène a subtil-dréchenen Humor zeechnen "The Announcement" (Anons) aus. Den tierkesche Film iwwer ee versichte Militärputsch kéint duerchaus een aktuelle Bezuch hunn ...

2380-El-REINO-©JulioVergne-LOW.jpg Luxfilmfest
Offiziell Kompetitioun

Mat enger Mëschung aus Thriller a Satir denoncéiert de spuenesche Realisateur Rodrigo Sorogoyen an "The Realm" (El Reino) d'Korruptioun an der spuenescher Politik - a fuerdert zum Nodenken op.

De François Le Gall an de Vincent Ravalec Luxfilmfest
Filmfestival

Ee Film immersiv mat e puer Sënner erliewen. Eng Welt tëschent Fiktioun a Realitéit. Mat zéng Filmer kritt d'Virtuell Realitéit ëmmer méi eng grouss Plaz um Luxembourg City Filmfestival.

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen