Medien D'Schwäizer hunn de Service public gerett

D'Schwäizer hunn zu 70 Prozent refuséiert d'Redevance fir Radio an Televisioun ofzeschafen. Si hunn domadder de Service public gerett. Eng gutt Saach fir Informatioun a Kultur, mengt de Lucien Kayser.

Lucien Kayser / ys

Meenung Lucien Kayser
Lucien Kayser

Virun annerhallwer Woch waren an Italien Wahlen. D'Italiener sinn awer nach wäit ewech vun enger Regierung. An dorëms geet et hei och net. Awer dee Politspektakel huet sécher mat sech bruecht, datt méi oder wéineger vergiess gouf, datt de 4. Mäerz och op enger anerer Plaz d'Leit ofgestëmmt hunn. Nämlech d'Schwäizer Noperen.

Si ware bei enger "Votatioun" opgeruff, sech fir oder géint d'Ofschafe vun der Redevance fir den ëffentlech-rechtleche Radio, fir d'Televisioun, fir de Service public ze prononcéieren. 70 Prozent vun hinnen hunn Nee gesot zur Initiativ "No Billag". Dat ass den Numm vun der Rechnung, déi all Schwäizer forcéiert ass ze bezuelen.

Privatiséierung an ekonomesch Interêten

Déi Initiativ war lancéiert gi vun de Rechtskonservativen, de jonken Neoliberalen an ënnerstëtzt vun der Schwäizer Vollekspartei vum Christoph Blocher. Et gesäit een also a wat fir eng Richtung et sollt goen: Privatiséierung an ekonomesch Interêten.

Dobäi muss ee soen, datt déi Schwäizer mat hirem Vote ëmsou méi Merite hunn, well si an Europa déi héchste Redevance musse bezuelen: Ronn 400 Euro.

An am Ufank vun der Campagne hat et net no sou engem klore Resultat ausgesinn. Et muss eng gutt Opklärung geschitt sinn, an eng Reflektioun vun deenen eenzele Leit. Well wéi eng fräi a kritesch Informatioun garantéieren, wann d'Kommunikatioun ganz an den Hänn vu privaten Interête läit? Et weess ee selbstverständlech och, datt et op Säite vum Staat ka Mëssbrauch ginn, a sief et nëmmen, datt déi richteg Leit op déi richteg Plaze gesat ginn.

Véier Sproochen

An der Schwäiz gouf besonnesch vill iwwer d'Plaz vun der Kultur diskutéiert. An iwwer den Zesummenhalt vun engem Land, wou véier Sprooche musse vum Radio an der Televisioun gedroe ginn.

Vläicht hunn och Evenementer vu baussen zum Resultat bäigedroen. Déi sou hefteg wéi lächerlech Attacke vun der FPÖ an Éisträich géint den ORF an hiren exzellente Journalist Armin Wolf. Oder déi méi tragesch Morde vu Journalisten zu Malta an an der Slowakei. Matten an der Europäescher Unioun. D'Schwäiz gehéiert net dozou. Mä hir Lektioun vun Demokratie misst och hei ze bedenke ginn. A wat fir Radio an Televisioun a Saache Service public gëllt, ass och op aner Terrainen z'iwwerdroen.

An der Mediathéik:

Chronik / / Lucien Kayser
Lauschteren

Méi zum Thema

Matthias Kirsch Analys
Auslandschronik

D'Finanzéierung vun ëffentlech-rechtleche Medien ass ëmmer nees e Sträitpunkt. D'Schwäizer Wieler hunn dofir gestëmmt, d'Finanzéierung iwwer eng Gebühr bäizebehalen. Domat setze si e wichtegt Zeechen.

Heinz-Christian Strache
Éisträich

Den Noriichtepresentateur Armin Wolf wëllt géint de Vize-Kanzler vun Éisträich, den Heinz-Christian Strache kloen. Deen hat op Facebook den Armin Wolf beschëllegt, falsch Noriichten ze verbreeden.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen