Raoul Biltgen - Adam spricht D'Sexliewe vun de Männer

69 Abléck an d'Léift an d'Sexliewe vun de Männer bitt de Raoul Biltgen de Fraen a sengem Band "Adam spricht". All Text geet mam Saz "Liebe Frauen" un, an deem follegt dann eng Analys vum Mann an all senge Formen. Et ass awer meeschtens just eng, an dat ass déi sexuell. Ob alle Fall e Recueil, deen net just d'Fraen dierft begeeschteren, oder dach?

Valerija Berdi / cbi

Adam spricht

"Was denken Männer? Denken Männer überhaupt? Und wenn ja, womit? Wenn Männer tatsächlich noch mit etwas anderem denken als dem Inhalt ihrer Hose, warum sind sie dann so, wie sie sind?"

Op dës provokativ oder realistesch Froe probéiert den Adam, ganz aus der Siicht vum Mann Äntwerten ze fannen.

Dem Raoul Biltgen ass hei mat sengem Adam, deen och blogméisseg ënnerwee ass, reell a provokativ, wierklech op eng ganz amusant, ënnerhalend an intelligent Aart a Weis dat gelongen, wat beim Thema Männer an hier Männlechkeet aus der Siicht vum gemengte staarke Geschlecht meeschtens an d'Box geet.

Vill Humor, ouni ze verletzen

Beim Adam geet och villes an d'Box, virun allem de Bléck op all Formen, Zoustänn, Verpakungen an Entwécklunge vum Penis, et ass deen Numm, deen den Adam no laanger Reflexioun am beschte fënnt an och soss mat ganz vill Humor de Mann op d'Schëpp hëlt ouni peinlech oder blessant ze ginn. Au contraire, esou vill erfrëschend Éierlechkeet a Liichtegkeet ka scho begeeschteren.

Natierlech sinn d'Fraen net wäit ewech wann et ëm d'Sexliewe vu heterosexuelle Männer geet an och do trëfft den Adam meeschtens den Nol op de Kapp. Hei sinn seng Inspiratiounsquellen seng Frëndinnen a Bekannten, mat deenen hie sech mol verbal, mol sexuell ausgetauscht huet.

Wat ass fir d'Männer wichteg?

Eng weider Source vum Wëssen hëlt den Adam sech aus drëttklassegen Talkshowen, Emissioune mat Z-Promien, an esou si seng weider Themen, d'Schéinheetsidealer, Silikonbrëscht, iwwerhaapt d'Brëscht si ganz bedeitend Protagonistinnen am Adam senge Gedankenwirrungen.

An do ass vläicht ee klenge Bemol. Den Adam mécht dat, wat bal all Männer gäre maachen, mee hien ass jo och e Mann, dofir muss ech hei Erbaarme weisen. Hie seet der Fra, wat fir de Mann, also de gudde Mann wichteg ass: datt Silikonbréscht net flott si fir unzepaken, datt et dem Mann egal ass wann d'Fra e puer Kilo ze vill huet, datt eng Schamlippenoperatioun onnéideg an en Geessebäertchen iwwer der Vulva onsexy ass.

Et besteet Hoffnung

Mee och do vergiesst hien net sech net allze seriö ze huelen, obwuel hie sech - nach eemol typesch Mann - vun all den "Arschlöcher" distanzéiert. Mee dat mécht en jo och total sympathesch, vläicht e bëssen ze vill...ass dat nach sexy?

Mee bon, och wann den Adam nach net ganz en agefleeschte Fraepësperer ass, sou gëtt en d'Hoffnung, datt awer nach emol eppes aus de Männer gëtt. An hei pauschaliséieren ech grad wéi den Adam, mee heiansdo geet et eben net anescht.

An der Mediathéik:

Kultur / / Valerija Berdi
Lauschteren

Méi zum Thema

Luna
Een Thema, e Buch

Sou gëtt an engem Joerhonnert d'Muecht um Mound ëmkämpft! "Nouvelle Lune" (New Moon) ass den Optakt vum Ian McDonald senger Science fiction-Trilogie "Luna".

Winterbergs letzte Reise
Een Thema, ee Buch

E jonken tschechesche Soignant reest mat sengem doudkranke Patient duerch Europa. Eng aussergewéinlech Rees an eng beandrockend Literatur, déi vill ze soen huet, fënnt d'Valerija Berdi.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen