Literatur "D'Zäit vun de Journalisten ass net déi vun de Schrëftsteller"

A senge leschte Romaner an och a senge méi rezente kuerzen Texter hätt sech eng gewësse Suerg breet gemaach, sou de Jean-Philippe Toussaint. De belsche Schrëftsteller war den 23. Mäerz an der Abtei Neimënster, op Invitatioun vum Institut Pierre Werner.

Michel Delage

Jean-Philippe Toussaint
Jean-Philippe Toussaint (Foto: Madeleine Santandrea)

Zanter bal véier Joerzéngte gëllt de Jean-Philippe Toussaint als ee vun de wichtegsten Auteure vun den Éditions de Minuit. 1985 hat hie mat "La Salle de bain" säin Debutroman beim renomméierte Paräisser Verlag verëffentlecht.

Mat weidere Publikatioune wéi "La Télévision", "Faire l'amour" oder "Fuir" hat de Bréisseler Schrëftsteller säi Ruff als Minimalist gefestegt an, niewebäi, eng Partie Filmer gedréint.

Seng zwee lescht Romaner "La Clé USB" (2019) a "Les Émotions" (2020) forméieren den Detrez-Zyklus ëm een EU-Fonctionnaire, dee sech mat Zukunftsfuerschung beschäftegt. Tëschenduerch kommen och, wéi an der Lescht, méi kuerz Texter dobäi: "La Disparition du paysage" (2021) an "L'Instant précis où Monnet entre dans l'atelier" (2022).

An da gëtt de Jean-Philippe Toussaint och reegelméisseg Abléck a seng Opfaassung vu Literatur, seng Aarbechtsweis, seng Inspiratiounsquellen: "L'Urgence et la Patience" (2012) oder nach "C'est vous l'écrivain" (2022, Éditions Le Robert).

Am Gespréich mam Michel Delage kënnt de Jean-Philippe Toussaint op den Afloss vun de Bréisseler Attentater op säi Schreiwen zeréck, hie schwätzt iwwer den Hitchcock als Modell fir "La Clé USB", iwwer den Humor a senge Romaner, an erkläert wat et fir hie bedeit, Auteur bei den Éditions de Minuit ze sinn.

An der Mediathéik:

Kultur / / Michel Delage
Lauschteren

Méi zum Thema

Claude Schmit Les fleurs du mâle Buchkritik
Literatur

Zwee Paräisser Flicke reagéieren - jiddereen op seng Manéier - op d'Kris vun der Männlechkeet. "Les Fleurs du mâle" (Phi) vum Claude Schmit ass e graffen a gläichzäiteg subtil zweedeitege Krimi.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen