Et géifen elo keng Hürde méi ginn, ausser datt een de Projet misst ëmsetzen. Et misst een et einfach organisatoresch maachen, an "dat ass natierlech eng grouss Erausfuerderung", esou de Christian Mosar.
De Christian Mosar ass zanter 23 Joer als fräie Mataarbechter fir de radio 100,7 aktiv. Esch 2022 stoung an der Lescht ëmmer nees wéinst Polemik oder Sträit am Mëttelpunkt. Et gouf e gewëssent Politikum dorausser. De Christian Mosar hat déi Diskussiounen natierlech alleguerte matkritt, an dat war "keng einfach Situatioun", seet hien, mee hie mengt, datt et elo vill besser wäert goen.