Offiziell Kompetitioun Dreem, déi zerplatze wéi Wicken

Ee staarkt Meedchen ëmgi vu schwaache Jongen, dat vun de Verhältnisser gebremst gëtt a sech selwer am Wee steet: dorëms geet et a "Firecrackers", dem Debutfilm vun der Kanadierin Jasmin Mozaffari.

Michel Delage

Luxfilmfest FIRECRACKERS © All Rights Reserved (7).jpg
Michaela Kurimsky a Karena Evans

Déi zwee Teenagere Lou a Chantal wëllen onbedéngt hirem Kaff an der kanadescher Provënz entkommen. Hiert Zil : New York. E puer Su hunn d'Meedercher sech schonn zesumme gespuert. Hiren Alterskolleg, deen se sollt mat sengem Pick-up féieren, spréngt awer am leschte Moment of...

Een intimistesche Film vu Meedercher, iwwer Meedercher, fir... jiddereen huet déi jonk Regisseurin Jasmin Mozaffari gedréint. Ee ''coming-of-age''-Drama, deen d'Schwieregkeeten an d'Dreem vu Jugendlechen aus der Aarbechterklass an de Mëttelpunkt stellt.

Flucht als eenzeg Optioun

Beim Lou (Michaela Kurimsky) ass et virop de Konflikt/d'Rivalitéit mat der elengerzéiender Mamm, déi sech ee wesentlech méi jonke Kolleg gekroopt huet a mat deem si dem evangelesche ''born again''-Glawe verfall ass. Eng Perspektiv am Liewe schéngt d'Meedchen och net ze hunn : an der Schoul klappt et net esou richteg, bis op kleng Jobs gëtt et a sengem Kaff kaum sënnvoll Aarbecht.

Do bleift just nach d'Flucht (symboliséiert duerch d'Zuchgleiser oder d'Autobunn, déi sech um Horizont verléiert). D'Lou a seng beschte Frëndin setzen all hir Hoffnungen op New York. Respektiv soss anzwousch, Haaptsaach fort...

Staarkt Meedchen a schwaach Jongen

D'Motivatioun, de Wëllen ass scho mol do. D'Lou ass ee staarke Charakter, huet eng déck Schnëss, et fäert näischt. Säi klenge Brudder, dee sech stolz schminkt : vläicht manner well e schwul wier, wéi hie vun der Mamm ënnerstallt kritt. De Jong hëlt sech ganz einfach ee Beispill u senger staarker Schwëster.

Mee mat senger Aggressivitéit (zum Beispill Kläppereie mat anere Meedercher), déi duerch déi deelweis hektesch Kameraféierung zum Ausdrock kënnt, schéisst d'Lou sech och alt emol gäre selwer an de Fouss. An engem Plang vum Film, wou et op enger Bréck steet an op d'Zuchgleiser erofkuckt, déi virun him ausernee ginn, verspäert säi Kierper deen ee Gleis : dem Lou säi Choix gëtt reduzéiert, well et sech selwer am Wee steet. An d'Autobunn, déi geet a béid Richtungen : no vir, mee och nees zeréck...

D'Jongen a ''Firecrackers'' sinn an der Reegel schwaach (de Sexualpartner vum Lou, dee keen héich kritt). Si villen sech just staark mat engem Gewier an der Hand oder an der Grupp, där hirem Zwang si ausgesat sinn (de Frënd, deen dann awer net mat de Meedercher op New York fiert well hie léiwer mat senge coole Kollege sëft a Pool spillt).

Ambivalent Sexualitéit

D'Sexualitéit da gëtt am Film als ee Messer mat enger duebeler Schneid duergestallt. Engersäits erlaabt et de Meedercher selbstbewosst opzetrieden an eng Form vu Muecht ze demonstréieren (andeems si zum Beispill labber mat de Jongen iwwer Sex schwätzen). Anerersäits ass dat optrieden dacks eng Fassad, mat där si hir Schwächt verstoppen (d'Chantal, dat vu sengem Ex vergewaltegt gouf ; d'Lou, dat sech op Internet-Porno aléisst fir séier u Suen ze kommen).

''Firecrackers'' : Wicken, déi Kaméidi maachen, mee och zerplatze wéi Dreem... D'Jasmin Mozaffari huet een éierlechen Debutfilm gedréint, dee virun allem och vun der jonker Actrice Michaela Kurimsky (hir éischt Roll) gedroe gëtt.


" Firecrackers " leeft nach dëse Freideg 15. Mäerz um 21 Auer am Utopia.

Méi zum Thema

THE WAITER ® DESPINA SPYROU.jpg Luxfilmfest
Offiziell Kompetitioun

Luguber Atmosphär, schwaarzen Humor a soss Absurditéiten: mat sengem éischte Fiktiounsfilm "The Waiter" reit sech de Steve Krikris an déi bizare griichesch Well à la Yorgos Lanthimos an.

THE_GROUND_BENEATH_MY_FEET_02_┬®Novotnyfilm_2019_Photo┬®Juhani_Zebra.jpg Luxfilmfest
Offiziell Kompetitioun

De Manktem un Halt am perséinleche Liewen, virum Hannergrond vun der moderner Aarbechtswelt, domat beschäftegt sech déi éisträichesch Realisatrice Marie Kreutzer an "Der Boden unter den Füssen".

BIRDS OF PASSAGE- Mateo Contreras.jpg Luxfilmfest
Offiziell Kompetitioun

De kolumbianesche Thriller "Birds of Passage" (Pájaros de verano), vun de Realisateure Cristina Gallego a Ciro Guerra, kombinéiert de klassesche Gangster-Epos mat engem Portrait vun der Wayuu-Ethnie.

ROJO  (c) Pucara Cine  (1) - 300 DPI.jpg Luxfilmfest
Offiziell Kompetitioun

De Benjamín Naishtat hëlt a sengem Film "Rojo" déi lescht Méint virun der Militärdiktatur an Argentinien ënnert d'Lupp. Virun allem d'Bourgeoisie an hir Motivatiounen hëlt hien an d'Viséier.

Unit Still for Ray & Liz Luxfilmfest
Offiziell Kompetitioun

De renomméierte Fotograf Richard Billingham huet mat "Ray & Liz" säin autobiografescht Wierk a Form vu Fiktioun weidergefouert. Eng Kandheet an engem schappegen Ëmfeld, net ouni Häerzlechkeet.

THIRD WIFE (c) All rights reserved (11).jpg Luxfilmfest
Offiziell Kompetitioun

Déi am Vietnam gebueren Ash Mayfair huet mat "The Third Wife" hiren éischte Long-métrage gedréint. Ee Film iwwer d'Plaz vun der Fräiheet an engem vum Schicksal dominéierte Liewen.

THE ANNOUNCEMENT - all rights reserved  (2).jpg Luxfilmfest
Offiziell Kompetitioun

Eng minimalistesch Mise en scène a subtil-dréchenen Humor zeechnen "The Announcement" (Anons) aus. Den tierkesche Film iwwer ee versichte Militärputsch kéint duerchaus een aktuelle Bezuch hunn ...

2380-El-REINO-©JulioVergne-LOW.jpg Luxfilmfest
Offiziell Kompetitioun

Mat enger Mëschung aus Thriller a Satir denoncéiert de spuenesche Realisateur Rodrigo Sorogoyen an "The Realm" (El Reino) d'Korruptioun an der spuenescher Politik - a fuerdert zum Nodenken op.

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen