CinEast 2016 E Jugendfilm, Gewënner um CinEast 2016

Fir säi Filmdebut "Mellow Mud" krut de Realisateur Renars Vimba schonn op der Berlinale de kristallene Bier fir de beschte Jugendfilm. Déi geheimnisvoll lettesch Bëscher, Kuliss fir eng hällewull fantastesch Geschichten hunn och de Jury vum CinEast iwwerzeegt, an de Film ka sech elo d'Kroun als beschte Film opdoen.

Valerija Berdi / jcm

Mellow Mud
Mellow Mud. Foto: CinEast

"Mellow Mud" vum Realisateur Renars Vimba erzielt vun engem jonke Meedchen, dat sech ëm sech selwer a säi klenge Brudder muss bekëmmeren, well d’Mamm an England ausgewandert an d’Boma gestuerwen ass. Fir d'Jurys-Presidentin, déi serbesch Actrice a Regisseurin Mirjana Karanovic war dëse Film eng grouss Decouverte, déi sech anengems och iergendwéi op en dokumentareschen Niveau erofsetzt:

"D'Meedchen am Iwwergang zur Fra, dat awer nach dat kanneregt, onerfuerent a vulnerabelt a sech huet. D'Entwécklung vum Film erlaabt keng Distanz. Et heescht Kino huele vun deem wat um Ecran geschitt. Wat de Film méi dauert wat en ee méi a seng Geschicht eranzitt. Dernieft ass déi visuell Identitéit einfach phenomenal, esou voller einfacher Natierlechkeet a grad esou voller duerchduechter Visualiéit. Eng Ästhetik déi esou gutt bei d'Geschicht passt, sou wéi d'Charakteren an de Zeenario. Besonnesch d'Roll vun dësem Meedchen. Si (Elina Vaska) ass eng phänomenal Actrice."

De Spezialpräis geet un d’Gangster-Komedie "Kills On Wheels" vum Ungar Attila Till.

De Kritikerpräis kritt den erfuerene polnesche Regisseur Jerzy Skolimowski fir säin "11 Minutes".

E weidere polnesche Film, déi romantesch Komedie "Planet Single" huet dem Publikum am beschte gefall huet.


Um CinEast-Festival gouf vum 6. bis den 23. Oktober eng Selektioun vu mëttel- an osteuropäesche Filmer gewisen.


D'Presidentin vum Jury iwwer Mellow Mud

Mirjana Karanovic

Méi zum Thema

Kills on Wheels
CinEast 2016

Den ungaresche Killer-Movie kraazt un de Konventioune vu sengem Genre. A "Kills on Wheels" geet et ëm eng mäerderesch Affaire, mat Optragskilleren déi net méi vill ze verléieren hunn.

Eleven Minutes
CinEast 2016

De polnesche Cineast Jerzy Skolimowski erzielt am Film "11 Minutes" aacht verschidde Geschichten. Et geet ëm Mënschen, déi näischt mateneen ze dinn hunn, obwuel si sech iwwert de Wee lafen.

Mellow Mud
CinEast 2016

Dem lettesche Realisateur Renars Vimba säi Film weist d'Geschicht vun enger couragéierter Teenagerin, déi Verantwortung an hirer klenger Welt iwwerhëlt, fir si virun aneren ze schützen.

CineEast Dossier
Grousse Kino

An dësem Dossier fannt Dir eis wichtegst Reportagen iwwert de Filmfestival CinEast.

Programm

Dossieren

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

  • 2016 op ee Bléck

    Wat waren 2016 déi wichtegst Sujeten a Politik a Kultur?

Communiquéen

Agenda

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen