DACH-Filmtage "Eine gesellschaftliche Diskussion zustande bringen"

Dräi Deeg laang ginn an der Stater Cinemathéik sechs Filmer gewisen, déi vun den Ambassadeuren aus Däitschland, Éisträich an der Schwäiz ausgesicht goufen. Dëse klenge Filmfestival leeft ënner dem Numm DACH-Filmtage.

Valerija Berdi / cbi

Gregor Schusterschitz
Den éisträicheschen Ambassadeur Gregor Schusterschitz. Foto: Archiv.

Et ass elo déi drëtt Editioun vun den DACH-Filmdeeg an datt grad dëst Joer d'Mënscherechter am Virdergrond stinn, ass dorop zeréckzeféieren, datt et den 10. Dezember genee 70 Joer hier sinn, datt d'Charta vun de Mënscherechter vun der UNO-Generalversammlung deklaréiert goufen.

Mat de sechs Filmer, déi vum 7. bis den 9. November an der Cinemathéik gewise ginn, wëllen d'Organisateuren op eng ganz villfälteg Aart a Weis op Situatioune vun der Verletzung vun de Mënscherechter hiweisen.

Leit fir d'Thema sensibiliséieren

Den éisträicheschen Ambassadeur Gregor Schusterschitz ass iwwerzeegt, datt een esou och d'Leit fir dës Fäll sensibiliséiert: "Filme, Bücher und Theaterstücke sprechen unsere emotionale Seite an".

Am Kader vun de Filmdeeg war och e Concours ausgeschriwwe ginn. Schoulklassen aus Lëtzebuerger Lycéeë waren opgefuerdert, e Clip zum Thema vun de Mënscherechter ze maachen. Eng Succes-Story, freet sech den éisträicheschen Ambassadeur. Mam Concours sinn och eng rei Präisser verbonnen a verschidde Clippe gi virun de Presentatioune vun de Filmer gewisen.

Mee nach e weidere Punkt ass fir hie vu grousser Bedeitung: "Es ist ganz wichtig für uns, dass wir nicht nur die Filme zeigen, sondern dass wir auch versuchen eine gesellschaftliche Diskussion zustande zu bringen."

De ganze Programm vun den DACH-Filmtagen ass ze liesen op: cinematheque.lu

Méi zum Thema

MURER Film
DACH-Filmtage

Dräi Deeg laang gi Filmer zum Thema Mënscherechter an der Cinemathéik gewisen. E Filmfestival, dee vun der däitscher, éisträichescher a Schwäizer Botschaft organiséiert gëtt.

The Other Side of Everything CinEast 2018
Filmkritik

The Other Side of Everything - en aussergewéinlechen Documentaire, deen d'Spaltung vu Serbien, vu Meeenungen a vu Generatiounen zum Thema huet. Déi jonk serbesch Geschicht gëtt unhand vun engem ganz perséinleche Schicksal erzielt.

Programm

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen