Musek Francofolies, en neie Musekfestival zu Esch

D'Francofolies vu La Rochelle, 1985 lancéiert, ass e Festival dee virun allem d'franséisch Sprooch a franséisch-sproocheg Artisten an de Mëttelpunkt stellt. Speziell un de Francofolies sinn och hir Dependancen oder hiert "Netzwierk" an anere Länner. Et ginn deemno Francofolies a Kanada, Bulgarien, Île de la Reunioun, Neikaledonien an elo vun 2020 un och zu Esch/Uelzecht, an zwar vum 12. bis de 14. Juni 2020.

Jean-Claude Majerus / cz

franco folies

2018 gouf et zu Esch en éischte Versuch fir Francofolies. De Projet ass dono iwwerduecht ginn, an d'nächst Joer soll dann en definitiven Depart mat de Francofolies Esch/Uelzecht geholl ginn. D'Philosophie vun de Francofolies wär et de franséische Chanson respektiv och déi franséisch Sprooch iwwer d'Grenze vum Hexagon eraus ze propagéieren, esou de Gerard Pont, Direkter vun de Francofolies vu La Rochelle. An hie weist sech zefridden iwwert all nei "Gebuert" vun der Francofolies. Wat dann der Sprooch géif ze gutt kommen, eng franséischer Sprooch, déi de Gerard Pont "La langue des amoureux" nennt.

Francofolies am Häerz vun Esch an um Gaalgebierg

D'Francofolies vun Esch solle matten am Häerz vun Esch en Doheem fannen an zesumme mat de kulturellen Institutiounen wéi d'Kulturfabrik, de Theater an de Conservatoire schaffen. D'Concerte ginn am Park Gaalgebierg ofgehalen. Dernieft géif et e Projet ginn deen "eco-responsabel" ass, deen op d'Ëmwelt oppasst mat manner Dreck, méi recyclabelem Material a mat manner Energieopwand. Den Escher Kulturschäffen Pim Knaff betount datt Francofolies net nëmmen e Festival ass wou e Musek lauschtere kënnt.

Mais c'est également un projet écologique. Les Francofolies seront accompagnés d'une campagne de sensibilisation au respect des ressources naturelles. C'est un projet social qui va contribuer à la cohésion sociale. Le CIGL sera un des partenaires des Francofolies d'Esch.....Les Francofolies auront un impact évident sur le tourisme.

D'Francofolies passe bei Esch 2022

D'Gemeng Esch liberéiert e Budget vun 1,3 Millioune Euro fir Francofolies 2020, an et wär fir de Pim Knaff och e Projet deen bei Esch europäesche Kulturhaaptstad 2022 passt, well bei Esch 2022 och 10 franséisch Gemenge mat involvéiert sinn.

Et sinn och schonn Nimm bekannt vu Kënschtler déi bei de Francofolies 2020 zu Esch op der Bün stinn. Ënnert anere sinn dat déi franséisch Sängerin a Songwriterin Véronique Sanson, de belsche Sänger a Museker Arno oder déi Kap Verdianesch Sängerin Mayra Andrade, déi a Portugal vill Succès huet. Vu Lëtzebuerg sinn et de Chaild an de Ryvage.

Francofolies hunn de Label "Green Event"

D'Francofolies Esch déi nächst Joer vum zwielef bis de 14 Juni iwwert d'Bün ginn, hunn och de Label als "Green Event", dat heescht et gëtt besonnesch op d'Protektioun vum Site opgepasst, an et ginn Efforte gemaach ënnert anerem beim Choix vun nohaltegem Material, eng adequater Gestioun vum Offall oder och nach enger Verbesserunge vum Transport.

Vum 9 Dezember un kann een Ticketen iwwert d'Internet Säit francofolies.lu

An der Mediathéik:

Kultur / / Jean Claude Majerus
Lauschteren

Méi zum Thema

Trail1
Kultur

De Minett soll duerch en 80 Kilometer laange Wanderwee touristesch a kulturell méi attraktiv ginn. Zanter dräi Joer schaffen ënnert anerem d'UNESCO an Esch2022 un dësem Projet, dee fir d'Kulturjoer 2022 fäerdeg soll sinn.

Thibaud Schneider
Groussregioun

De jéngste Participant, de 24 Joer jonke Metzer Sculpteur a Moler Thibaud Schneider, ass de Laureat vum Prix d'Art Robert Schuman 2019. D'Aarbechte vun alle 16 Kënschtler sinn am Cercle Cité ze gesinn.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen