LiteraturLabo: "Méi Guddes liesen"

D'Ekipp vum LiteraturLabo: Jérôme Jaminet, Nathalie Bender a Ian de Toffoli

De 4. Oktober diffuséiert de radio 100,7 déi éischt Editioun vum LiteraturLabo mam Thema "Indonesien, literarescht Niemandsland?". De Jérôme Jaminet erkläert d'Konzept vun der neier Emissioun am Gespréich mam Pia Oppel:

Wéi ass d'Iddi vum LiteraturLabo entstan?

Et gëtt net genuch gelies. A wa gelies gëtt, dann net vill Guddes. A wann eppes Guddes, da gëtt net vill driwwer geschwat. Ech hu fonnt, dat misst sech änneren. Dohier d'Iddi vun enger Gespréichsronn mat engem Stammpersonal a mat all Kéiers engem anere Gaascht. Ee Forum, wou ee sech Zäit hëlt, ausgibeg, kritesch a kontrovers iwwert Literatur ze diskutéieren. E bëssen nom Virbild vum Literaresche Quartett aus Däitschland oder dem Literaturclub aus dem Schwäizer Fernseh.

All Emissioun huet ee Schwéierpunkt, wéi sicht Dir deen aus?

Zum Deel ass et esou wéi elo bei der éischte Kéier, datt mir eis un der Aktualitéit orientéieren. D'Frankfurter Buchmesse steet un, an Indonesien ass Gaaschtland. Also diskutéiere mir an dësem LiteraturLabo iwwer indonesesch Literatur, déi an Europa jo nach net sou bekannt ass. Fir déi nächst Emissioun siche mir dann een aneren Ophänkert. Mir wäerten dat spontan decidéieren.

De LiteraturLabo ass oppe fir de Public, soll deen dann och mat agebonne ginn?

Wann een d'Literatur wëll méi ënner d'Leit bréngen, da muss een d'Leit um Gespréich iwwer Literatur Deel huele loossen. Mir wëllen de Publikum also net zu passive Konsumente maachen, déi eis beim diskutéiere just nolauschteren. Mir wënschen eis eng Ouverture op zwee Niveauen: Den Interessi fir Literatur waakreg këddelen, wou en nach net do ass, an e bei deenen anere verdéiwen. An op alle Fall awer och eng Participatioun an der Kommunikatioun iwwer d'Literatur.

Zur Ekipp:
'Nathalie Bender ass um radio 100,7 zoustänneg fir de Beräich Literatur.
e Ian de Toffoli ass Chercheur op der Uni Lëtzebuerg, Auteur, Editeur a Literaturkritiker.
e Jérome Jaminet ass Däitschenseignant, Auteur a Literaturkritiker.

Audio:
en éischte LiteraturLabo zum Thema "Indonesien, literarescht Niemandsland?" (Detailer zur Emissioun fannt Dir hei):

Net verpassen

  • 08.12. Klassik Live: L'enfance du Christ

    Berlioz.jpg

    De Philharmoneschen Orchester Lëtzebuerg an d'Gächinger Cantorey an der Philharmonie: De radio 100,7 iwwerdréit de Concert haut den Owend live vun 20:00 Auer un.

Programm

Dossieren

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen