Bibliotherapie Mediatioun mat Hëllef vu Literatur

Datt Bicher liese berouegt an een op nei Iddie bréngt ass kee Geheimnis. Datt Bicher liesen engem kann hëllefe privat, berufflech oder aner Problemer ze léisen ass net grad sou offensichtlech. Mee et schéngt ze funktionéieren. D'Nathalie Bender ass zu Porto enger Bibliotherapeutin begéint.

Nathalie Bender / cwi

Bibliotherapie
Bibliotherapie soll hëllefe Problemer ze léien

D'Sandra Nobre ass Bibliotherapeutin. Den Ursprong vun hirer Leidenschaft fir d'Literatur läit an hirer Kandheet. Hir '"Schoul", dat wier awer hir Aarbecht am Editiounswiese gewiescht. En Domaine, an deem si 15 Joer laang geschafft hätt. "Ech war ëmmer a Kontakt mat Auteuren, net nëmmen a Portugal. Ech wousst wat sech iwwerall uechter d'Europa a Nordamerika an der Editiounswelt deet."

D'Sandra Nobre huet sech dofir geduecht, si kéint dat Wëssen an der Bibliotherapie applizéieren. Bibliotherapie, dat wier Therapie op Basis vu Literatur, erkläert d'Therapeutin. "Ech wëll de Leit hëllefen hiert Liewen, oder een Deel vun hirem Liewen ze verbesseren. Dat, andeems si Bicher liese vun deenen ech mengen, datt si hinnen hëllefen."

"Eng 100 Joer al Wëssenschaft"

Fir Bibliotherapeut ze ginn, géing et awer net duergoen, datt ee gäre liest. Et misst een eng Formatioun maachen, ënnersträicht d'Sandra Nobre. Esou Fortbildunge géing et schonn zënter laangem ginn. Bibliotherapie wier eng Wëssenschaft, déi et schonn zënter op mannst 100 Joer géing ginn.

Dës Wëssenschaft wier awer éischter Akademiker e Begrëff, wéi dem grousse Public. "Et gi vill Etuden, vill Dokteraarbechten iwwert d'Bibliotherapie." D'Therapieform géing éischter am psychiatresche Beräich applizéiert ginn. "A leschter Zäit gëtt si awer och an de Schoulen, mat Jonken a beim breede Public ugewannt."

D'Sandra Nobre mam Guy Helminger

Betribsmediatioun?

Der Sandra Nobre hir Cliente si Privatpersounen, mee och Betriber. Grad an dëse kéint ee vill bewierken, fënnt d'Bibliotherapeutin. D'Ambiance wier an de Betriber net ëmmer gutt. "Wann een hei mat klenge Gruppe schafft kann ee vill Problemer léisen. Och wann déi Leit net vill gemeinsam hunn oder näischt mat Literatur um Hutt hunn."

Fir dat z'erreeche misste si déi passend Bicher liesen. Do kënnt d'Bibliotherapeutin an d'Spill. Fir d'Literatur auszewielen, misst ee fir d'éischt de geneeë Problem kennen, erkläert d'Sandra Nobre. An engem zweete Schratt géing si hir Recherchë maachen a Bicher proposéieren, déi all déi Concernéiert misste liesen. "Dann treffe mir eis a schaffen op deem wat si gelies a geléiert hunn." Duerno géing et dorëms Strategien auszeschaffen, fir dat Geléiert ëmzesetzen.

D'Bicher déi d'Sandra Nobre eraussicht, kënne vun alle Genre sinn: Romaner, Gedichter oder wëssenschaftlech Texter.

"Eng nei Perspektiv op d'Liewen"

Mee wéi wierkt d'Liese vun engem Text op de Mënsch? Et géing ee sech mat de Personnagen identifizéieren, oder net, äntwert d'Sandra Nobre. "Et assimiléiert een dat wat ee gelies huet an all d'Gefiller, déi dobäi opkomm sinn. Et lieft een d'Geschicht an de Prozess deen de Personnage duerchleeft."

De Lieser géing onbewosst d'Problemer, déi am Buch opkomme léisen, mengt d'Bibliotherapeutin. "An déi Léisungen an d'Manéier, d'Liewen ze gesinn, projezéiert een a säin eegent Liewen." Et géing een also d'Virstellungskraaft iwwer nei Vuen aus Bicher stäerken.

D'Bibliotherapie kann dem Sandra Nobre no a ville Beräicher hëllefen, mee et kéint ee natierlech net all Problem domat léisen. Dee Moment recommandéiert d'Sandra Nobre dem Client, bei en aneren Therapeut ze goen.

An der Mediathéik:

Kultur / / Nathalie Bender
Lauschteren

Méi zum Thema

Guy Helminger op Besuch am Tattoostudio
Literatur

"Ech ginn net hei hin, fir Literatur an de Mëttelpunkt ze setzen, mee d'Begéinung", seet de Guy Helminger. Hien ass zu Porto op Hausbesuch a léisst sech bei sengen Aventuren iwwert d'Schëller kucken.

Helminger in Porto
Literatur

De Guy Helminger ass zu Porto op Hausbesuch. De Schrëftsteller verbréngt seng Owender mol an enger WG, mol op enger "Mindshake-Soirée" – Nomen est Omen. Mir hunn éischt Andréck vun der Plaz.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen