DACH-Filmtage Mënscherechter am Fokus

DACH-Filmtage - déi Däitsch, déi Éisträichesches an déi Schwäizer Botschaften organiséieren an der drëtter Editioun e Filmfestival, dee Filmer zu engem bestëmmten Thema weist. Dëst Joer sinn d'Mënscherechter de roude Fuedem an déi ginn an hirer ganz diverser Ausleeung presentéiert. Den éisträichesche Botschafter, de Gregor Schusterschitz huet am Gespréich mam Valerija Berdi op dëse klenge Festival higewisen.

Valerija Berdi / cbi

MURER Film
De Film "Murer - Anatomie eines Prozesses" gëtt ënner anerem op den DACH-Filmtage gewisen. Foto: Filmladen.

Sechs Filmer gi vum 7. bis den 9. November am Kader vun der drëtter Editioun vun den DACH-Filmdeeg gewisen. Den Optakt mécht dem Schwäizer Theater- a Filmregisseur Milo Rau seng Produktioun "Das Kongo-Tribunal". De Milo Rau gehéiert sécherlech zu de bedeitendsten Theater-Regisseuren an eiser Zäit.

Virun zwee Joer ass an der Abtei Neimënster säin opwullend Stéck "Hate Radio" gewise ginn. De Sujet war hei de Genozid am Ruanda. Fir dësen Dokumentarfilm "Das Kongo-Tribunal" war et dem Milo Rau gelongen, Zeien, Täter, Affer an Analytiker op e Vollekstribunal am Ostkongo zesummenzebréngen.

Wichteg Themen

Deen éischten Dag steet ënner dem Thema "Straflosigkeit". Dat wier e ganz wichtegt Thema, sou de Gregor Schusterschitz, well all Mënsch gewëss Rechter huet a wann dës Rechter verletzt ginn, dann huet en och Recht drop, datt et zu enger Strofprozedur kënnt an datt déi bestrooft ginn, och déi, déi als staatlech Organer Mënscherechter verletzen. Dofir wier eben och de Film vum Milo Rau esou wichteg. Et handelt sech hei ëm en aktuelle Fall am Kongo, wou et zu ganz ongleewege Verletzunge vun de Mënscherechter koum.

Deen zweete Film, deen dann hei gewise gëtt, wier awer och immens wichteg. Et ass den éisträichesche Film "Murer - Anatomie eines Prozesses", deen déi negativ Säite vun der Sich no Gerechtegkeet weist.

Den éisträichesche Botschafter zu Lëtzebuerg, de Gregor Schusterschitz, ass nieft dem Schwäizer an dem däitsche Botschafter den Initiator vun dësem klenge Filmfestival an hien huet och d'Mënscherechter als globaalt Thema fir déi drëtt DACH-Filmdeeg proposéiert. Viru genee 70 Joer ass déi Allgemeng Erklärung vun de Mënscherechter vun der Generalversammlung vun de Vereenten Natiounen ënnerschriwwe ginn.

Et sinn awer net just Filmer, déi hei am Mëttelpunkt stinn. Vun de sechs Produktioune si véier Dokumentarfilmer, an d'Motivatioune ginn iwwer d'Kucken eraus. Diskussiounen, Rencontere mat de Regisseuren an och e Concours fir Jugendlecher stinn um Programm.

An der Mediathéik:

Kultur / / Valerija Berdi
Lauschteren

Méi zum Thema

The Other Side of Everything CinEast 2018
Filmkritik

The Other Side of Everything - en aussergewéinlechen Documentaire, deen d'Spaltung vu Serbien, vu Meeenungen a vu Generatiounen zum Thema huet. Déi jonk serbesch Geschicht gëtt unhand vun engem ganz perséinleche Schicksal erzielt.

Jean-Paul Lehners
Mënschrechter

Den 10. Dezember sinn et 70 Joer hier, datt zu Paräis déi Universell Deklaratioun vun de Mënscherechter ënnerschriwwe gouf. Dës Mënscherechter ginn a leschter Zäit vun enger Rei Politiker a Fro gestallt. Wat solle mir also feieren?

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen