25 Joer Radio ARA "No dräi Méint scho faillite"

De Robert Garcia ass Gerant a Mann vun der éischter Stonn beim Radio ARA. Hie kuckt zeréck op 25 Joer Héichten an Déiften. Awer virun allem kuckt hien no vir. De klengen, onofhängege Radio emanzipéiert sech.

Nathalie Bender / ys

Robert Garcia
Robert Garcia

De 6. Dezember 1992 huet de Radio ARA ugefaange mat senden. "No dräi Méint ware mir scho faillite", erënnert sech de Robert Garcia. Een Appell un d'Nolauschterer hätt sou e Succès gehat, datt ee souguer hätt kéinten zwee Leit astellen. Bis haut géif de Radio ARA virun allem duerch Done finanzéiert ginn.

Fir professionellt Equipement géifen trotzdem d'Moyene feelen. Dat meescht wier recycléiert a géif vun Techniker an hirer Fräizäit reparéiert ginn. "Also et ass scho bësse Scoutismus nach ëmmer." Dofir hätt ee sech och an d'Diskussioun ëm d'Pressehëllef ageschalt, seet de Robert Garcia. "Mir wëllen net einfach iergendwellech Suen. Mir hätte gär, datt et kloer, transparent Critèrë ginn, wéi et se och bei der Pressehëllef fir d'geschriwwe Press gëtt."

25 Joer um Rand vum Ruin

Den ARA wier nach deen eenzege wierklech onofhängege Radio zu Lëtzebuerg, seet de Robert Garcia. Just fir de Jugendprogramm géif et eng Konventioun mam Familljeministère ginn. "De Virdeel ass, datt een net vun uewen erof kann e President vum Verwaltungsrot octroyéiert kréien." Den ARA géif sech seng Leit selwer eraussichen, souwuel wat Mataarbechter ugeet, wéi och d'Invitéen.

Den Nodeel wier, datt den ARA zënter 25 Joer um Rand vum Ruin wier. "Et ass immens schwiereg wann een an enger Nisch ass a keng Moyenen huet fir Kommunikatioun ze maachen, fir och nei Leit ze fannen déi een ënnerstëtzen."

Hoffnung: Campus-Radio

Zu Lëtzebuerg wier et ausserdeem schwéier fir Presentateuren ze fannen, déi bereet wiere fir benevole Radio ze maachen, sou de Robert Garcia. "Ech fannen et schonn e Wonner, datt et no 25 Joer nach klappt."

Et hofft een, datt an Zukunft Studente vun der Uni wäerten op de Goût komme, fir Emissiounen ze produzéieren. Sou wéi dat an den USA bei Campus-Radioen de Fall ass. Den ARA géif sech als eng Zort pädagogesch Institutioun gesinn. Iwwer 20 fréier ARA-Presentateure géife mëttlerweil bei anere Radioe schaffen.

Den ARA wéilt keng communautaire Sendungen, seet de Rober Garcia. Als Beispill nennt hien d'Demande vu syresche Refugiéen, déi eng Emissioun op Arabesch wollte maachen. Et hätt ee sech drop gëeenegt, datt d'Emissioun parallel och op Englesch wier "Dann huet déi Communautéit selwer e Moyen fir ënnerteneen ze kommunizéieren, si kommunizéiert awer och bei d'Lëtzebuerger, beziehungsweis bei d'Residenten. An déi ginn do Saache gewuer, déi se vläicht duerch aner Medien net kënne gewuer ginn."

An der Mediathéik:

Lauschteren

Méi zum Thema

Chambre-des-Deputes
Medien

38 Milliounen Euro d'Joer investéiert d'Regierung vun 2021 un an d'Press. Och lokal Medie ginn an Zukunft méi ënnerstëtzt. Kritik gouf et awer ënnert anerem um Zäitpunkt vun der Debatt iwwert Medien.

Robert Garcia
Mediepolitik

Radio ARA fuerdert d'Schafe vun engem "Fong fir de Pluralismus vun den audiovisuelle Medien". De Staat misst gesellschaftlech relevant Inhalter an net just RTL ënnerstëtzen, seet de Robert Garcia.

world radio day 2.jpg
Welt-Radio-Dag

Dëst Joer steet den UNESCO-Welt-Radio-Dag am Zeechen vum "Radio an Noutzäiten". Och fir Flüchtlingen ginn et Radioprogrammer, déi eng séier Informatioun an hirer Sprooch ubidden.

Programm

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Offre d'emploi

    L'Etablissement de Radiodiffusion Socioculturelle recrute un technicien radio (m/f).

  • radio 100,7 renforce sa rédaction

    Mme Christina Heidt et M. Maurice Molitor rejoignent la rédaction d'actualités de la radio de service public.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen