Scala Ouverture vum neie Kino zu Dikrech

Den 20. Juni soll deen neie Kino zu Dikrech seng Dieren opmaachen. D'Gemeng kéint de Komplex mat fënnef Säll selwer bedreiwen. Et sollen ëmmer déi neiste Filmer gewise ginn, seet de Buergermeeschter Claude Haagen.

Carole Schimmer / ys

Scala-Sall.jpg
Ee vun de fënnef Säll am neie Scala

Den neie Kinokomplex zu Dikrech soll den 20. Juni fir de Public opgoen. Dat seet de Buergermeeschter Claude Haagen (LSAP) am 100,7-Interview. Deen neie "Scala" huet fënnef Kinossäll. De Kino ass um Site vun der aler Seeërei.

Wat d'Distributioun ugeet géif een dofir suergen, datt déi neiste Filmer géifen zu Dikrech lafen, sou de Claude Haagen. De Moment wieren d'Woch iwwer dräi Seance pro Sall geplangt an d'Weekender véier Seancen.

De Gemengerot zu Dikrech soll den 13. Juni decidéieren, ob d'Gebai vum neie Kinoskomplex fir 20 Joer vun der Gemeng gelount gëtt oder ob et vun der Gemeng kaaft gëtt. Virun dräi Joer wier am Gemengerot e Contrat de bail mat Option d'achat gestëmmt ginn. Den Terrain, op deem de Kinoskomplex steet, gehéiert der Dikrecher Gemeng. D'Gebai selwer gehéiert der Sàrl "Dikrecher Kino", déi och Bauhär vum Komplex ass.

D'Gemeng als Kinosbedreiwer?

Den Dikrecher Gemengerot muss och decidéieren, ob d'Gemeng selwer d'Gestioun vum neie Kino iwwerhëlt. D'Gemeng hätt deen néidegen Know-How fir de Kino ze bedreiwen, seet de Claude Haagen. Deen aktuelle Kino "Scala" mat engem Sall géif och vun der Gemeng bedriwwe ginn.

Fir deen neie Kinoskomplex géifen zéng bis zwielef Leit Personal gebraucht ginn. Wann d'Gemeng d'Gestioun vum Kino géif iwwerhuelen, géif een op d'Personal zeréckgräifen, dat schonn am Service culturel schafft. Donieft wéilt een och mat Studente schaffen.

Dem Claude Haagen no sollen den 21. Juni déi normal Seancen am neie Kino zu Dikrech ulafen.


D'Carole Schimmer am Gespréich mam Buergermeeschter vun Dikrech:

Claude Haagen

Den Entréesberäch mat de Keesen

Méi zum Thema

20170601_125225.jpg
Konscht

Wéi bekannt si Lëtzebuerger Kënschtlerinnen a Kënschtler? Déi Fro sollt eng grouss Ëmfro beäntweren. D'Resultat ass eendeiteg: Deene meeschte Leit ass Konscht vu Lëtzebuerg eigentlech egal.

Stefan Henkes
Film

De Stefan Henkes war Set dresser a Stand-by fir d'Aussenzeene vum neien Alien-Film. Hien huet souwuel déi spektakulär Landschaft vu Neuseeland awer och kënschtlech Planzen an Zeen gesat.

Riicht Eraus
Kinosgeschicht

D'Kinoe géifen haut net genuch staatlech Ënnerstëtzung kréien. Fréier wier dat anescht gewiescht, bedauert den Joy Hoffmann a Riicht Eraus. Grad regional Kinoen hätten déi Ënnerstëtzung awer néideg.

Programm

  • Notturno

  • On air

    Virum Dag

    • Panorama

  • Moies-Magazin

  • Iwwer Mëtteg

  • Resonanzen

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen