Journées du patrimoine Patrimoine fir jiddereen accessibel

De Patrimoine spigelt d’Geschicht vun engem Land erëm. Dofir ass et wichteg, datt e fir jiddereen zougänglech ass. D’Journées du patrimoine, déi nach bis de 9 Oktober daueren, stinn dëst Joer ënnert der Iwwerschrëft "Accessibilitéit". Fir Info-Handicap ass dat ee wichtegt Zeechen.

Jean-Claude Majerus / cwi

Rollstullgerecht
Patrimoine soll fir jiddereen zougänglech sinn. Foto: Bigstock

Patrimoine fënnt een iwwerall. Dorënner versteet een zum Beispill Gebaier, déi als Monument national klasséiert sinn oder Ausstellungen an deene Patrimoine gebuede gëtt. Mee net ëmmer ass de Patrimoine fir Mënsche mat enger Behënnerung zougänglech, zum Beispill well si net bäikommen oder well d'Offer net adaptéiert ass.

Fir dorop opmierksam ze maache stinn d'Journées du patrimoine dëst Joer ënnert der Iwwerschrëft "Accessibilitéit". De Silvio Sagramola, Direkter vun Info Handicap, begréisst dës Approche. "Et ass wichteg, datt d'Accessibilitéit aus dem Eck vun der Behënnerung erausgeholl gëtt." 80 Prozent vun de Leit, déi Problemer mat der Mobilitéit hätten, géifen zum Beispill net am Rollstull sëtzen. "E Gelänner oder eng Sëtzgeleeënheet sinn do scho ganz grouss Hëllefen."

"Design for all"

Den demografesche Wandel, d'Diversitéit an den technologesche Fortschrëtt géifen d'Gesellschaft virun Erausfuerderunge stellen, seet de Silvio Sagramola. Anerersäits géifen d'Entwécklungen awer Dieren opmaachen. Nei Technologië géifen et erlaben, d'Offer z'adaptéieren. Mat Hëllef vum Multimedia kéint een zum Biespill Leit Plaze weisen, zu deene si soss keen Zougang hätten. An duerch Audio-Beschreiwungee géife blann Leit Zougank zu Informatiounen ze kréien, déi fir si soss net disponibel wieren.

Alles dat wieren Entwécklungen déi et erlaben, datt méi Mënschen Zougang zu historeschem oder kulturelle Patrimoine hätten, ënnersträicht den Direkter vun Info Handicap. Zu Lëtzebuerg géif sech ëmmer méi mam "Design for all" ausernee gesat ginn. "Dat heescht, datt jidderee soll un deem kënne participéieren, wat ronderëm geschitt."

An der Mediathéik:

Kultur / / Jean Claude Majerus
Lauschteren

Méi zum Thema

Maison Audry
Patrimoine

D'Maison Audry zu Stengefort steet zum Verkaf. Et ass dat jéngste Gebai, dat zu Lëtzebuerg de Statut vum Monument national krut. Mee wéi aal muss e Gebai sinn, fir datt et schützenswäert ass?

Simone Beck Meenung
Fräie Mikro

Ëmmer nees gëtt sech an der Press doriwwer opgereegt, wann en alt Gebai ofgerappt gëtt. Patrimoine sollt een awer net nëmmen op Gebaier reduzéieren. Dat ass de Begrëff vill ze enk gesinn.

Programm

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen