Invitée am Moies-Magazin Pseudonymmer vun Auteuren a Journalisten

"Kleines ABC der Pseudonyme in Luxemburg" ass e Buch, an deem 15 Joer Aarbecht stiechen, déi d'Nicole Sahl mat villen anere realiséiert huet. D'Conservatrice huet dës Sisyphusaarbecht am Literaturarchiv zu Miersch virgestallt.

Nathalie Bender / cbi

Nicole Sahl
D'Nicole Sahl

Et wier zwar net dat éischt Wierk, wat sech mat Pseudonymmen zu Lëtzebuerg beschäftegt, mä et wier dat éischt Buch an där Form, wat och esou komplett wier. Virdru wieren et just Lëschte ginn, wou nëmmen d'Nimm drop stoungen. D'Nicole Sahl hätt probéiert, fir iwwer déi Lëscht erauszegoen, fir Geschichten iwwer d'Leit ze zielen, déi net mat hirem richtegen Numm ënnerwee sinn.

D'Nicole Sahl schafft am Lëtzebuerger Literaturarchiv zu Miersch a sëtzt deemno relativ no un der Quell. De Projet vun de Pseudonymmen hätt als Nieweprodukt vum "Autorelexikon" ugefaangen. Déi ganz Recherche zum "Autorelexikon" wier bei der Nicole Sahl gewiescht, well si d'Nimm huet missten an enger Datebank uleeën. Doduerch hätt si e Gespier fir déi verschidden Auteure kritt. Am "Autorelexikon" géif et och eng Recherchefunktioun ginn, wou een d'Auteuren no hirem Pseudonym siche kann.

Dausende vu Pseudonymmen

Am Buch wieren allerdéngs net just Schrëftsteller an Auteure vermierkt, mee et géif och eng Oplëschtung vu Journaliste ginn. Am "Autorelexikon" géif een 1.349 Pseudonymmer fannen, mee déi gewossten 8.123 Pseudonymmer sinn net alleguerten am Lexikon opgelëscht.

D'Nicole Sahl hätt net wëllen eng weider Oplëschtung maachen, mä si hätt e Choix gemaach an déi Pseudonymmer erausgesicht, wou et och eppes ze ziele géif. Et géif allerdéngs en Index am Buch ginn, wou een déi verschidden Nimm kéint nosichen.

Digital a mënschlech Hëllef

Et hätt sech séier ronderëm geschwat, datt d'Nicole Sahl déi verschidde Pseudonymmer géif recherchéieren, a vill Aarbechtskollegen, och aus der Nationalbibliothéik oder den Archiven, hätten hir regelméisseg Informatioune weiderginn. Well déi verschidde lëtzebuergesch Zeitungen am e-Luxemburgensia digitaliséiert goufen, hätt si och kënnen do eng digital Recherche maachen, wat um Pabeier vill méi schwéier gewiescht wier.

An der Mediathéik:

Lauschteren

Méi zum Thema

Naturschutzgebiet
Esther Kinsky

D'Esther Kinsky gouf mam Buchpreis der Leipziger Buchmesse ausgezeechent. Bei hire Prosatexter mengt een, et géif ee Poesie liesen. Dat ass net erstaunlech, well an der Lyrik spiert si sech doheem.

Bibliothéik
Nationalbibliothéik

Am Dezember soll déi nei Nationalbibliothéik um Kierchbierg opgoen. Mat enger moderner Architektur sollen d'Leit an d'Bibliothéik ugezu ginn, fir d'Wëssen an d'Kultur méi attraktiv ze maachen.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen