"Shoot the Cameraman" vun der Cie AWA Wéi Biller täusche kënnen

Mat "Shoot the Cameraman" wërft d'Compagnie "AWA - As we are" d'Fro op, wat mat eis Mënsche geschitt, wann eng Gesellschaft sech reng op dat verléisst, wat d'Biller eis weisen. Hanner de Kulisse spillt sech dacks eng aner Geschicht of. D'Danzstéck gouf d'lescht Woch an de Rotondes gewisen.

Romain Butti

Zeen aus "Shoot the Cameraman"
Zeen aus "Shoot the Cameraman". Foto: Bohumil Kostohryz

Biller, déi mir op eisen Ecrane gesinn, kënnen täuschen. Wärend Opnamen, schéi cadréiert an an Zeen gesat, eis eng Versioun verzielen, heescht dat net onbedéngt, datt et a Realitéit genee esou geschitt ass. Manipulatioun, Fake News, a Selbstduerstellung sinn haut omnipresent, genee esou wéi d'Kameraen - an do den Iwwerbléck ze behalen, a sech selwer ze bleiwen, ass guer net esou einfach.

D'Compagnie "AWA - As We Are" vum Baptiste Hilbert an der Catarina Barbosa huet sech dësem Sujet ugeholl, a mat "Shoot the Cameraman" eng Pièce kreéiert, an där op der Bün direkt e puer Perspektiven opgemaach ginn:

Fir d'éischt sinn do zwee Dänzer, déi eng Geschicht vun Ofhängegkeet a Verfollgung danzen. Dann huet een eng Kamerafra an e Kameramann, déi si op Schrëtt an Trëtt begleeden an hinnen hiert Equipement virun d'Gesiicht halen, an hiert Filme gëtt en direct op en Ecran projezéiert - oder ass et vläicht awer net ganz dat, wat d'Geschicht op der Bün grad ausdrécke wëll?

E Spill mat de Perspektiven

Well: Mol wierke béid Dänzer ganz harmonesch a frou mateneen, mol gesäit een awer och Indicen, datt hannert der Fassad net alles esou ass, wéi ee kéint mengen - deemno, ob de Spectateur grad d'Dänzer kuckt oder eben de Live-Video, de vun der Filmcrew kënnt.

Et ass e spannend Spill mat de Perspektiven, déi a ganz vill Richtunge ka goen, an et fillt een d'Urgence, datt een sech haut mat den Auswierkunge vun dëse Konstellatiounen auserneesetzt. D'Schauspillerin Catherine Dauphin spillt d'Kamerafra op der Bün:

"C'est de questionner le fait qu'aujourd'hui on prend les images filmées comme la réalité complète. C'est toujours une question de subjectivité, et parfois les gens ont tendance à oublier. C'est une pièce qui se prête à plein d'interprétations différentes."

An der Pièce "Shoot the Cameraman" bleift awer ëmmer genuch Raum, fir datt de Spectateur sech selwer e Bild ka maachen, wéi den Dänzer Georges Maikel erkläert:

"On raconte notre quotidien, l'histoire de ces deux personnages. Puis, c'est les cameramen qui vont faire le tout. Il y a une déconnection de ce que le public voit et ce que nous donnons sur scène. Nous racontons l'histoire, nous n'allons pas voir les perspectives, car on est les perspectives."

An der Mediathéik:

Kultur / / Romain Butti
Lauschteren

Méi zum Thema

Big Bang
Danzkreatioun

D'Compagnie "Cognitive Overload" ënnersicht an hirem Work in progress "Big Bang" d'Fro, wéi mir eis déi ganz fundamental Froe vun eiser Realitéit op der Welt kënne stellen. Wat d'Choreographe bei hirer Aarbecht erausfonnt hunn, hunn si d'lescht Woch an der Banannefabrik virgestallt.

Dramaturgies of Heat
Danzkreatioun

D'Choreographinne Lotta Suomi an Heli Keskikallio wollten sech der Sensatioun iwwer d'Haut méi genee ukucken, an hunn am Kader vun engem Echange de résidence un der Kreatioun mam virleefegen Titel "Dramaturgies of Heat" geschafft.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen