Chouergesank Arend Herold, neien Direkter vum INECC

Vun dësem Freideg un ass den Arend Herold offiziell neien Direkter vum Institut Européen de chant choral (INECC) als Nofolger vum Camille Kerger, deem seng Aarbecht hie wëll weiderféieren, allerdéngs mat neien Akzenter. Déi aktuell Musek ass e grousst Uleies vum neien INECC-Direkter.

Guy Engels / cz

Herold
Den Arend Herold, den neien Direkter vum Institut européen de chant choral

"Dat do interesséiert mech wierklech", sot sech den Arend Herold, wéi d'Plaz vum Direkter beim INECC ausgeschriwwe gouf. Fir den diploméierte Schoulmuseker, dee sech a sengem Beruffsliewen ëmmer nees mat pädagogesche Projete beschäftegt huet, deen een net manner fervente Chouersänger ass, war et séier kloer, datt e sech fir de Poste géif mellen.

Antëscht hat den Arend Herold d'Geleeënheet, als Interim d'Banneliewe vum INECC schonn eng Grëtz kennenzeléieren. "Selbstverständlech kann een an där Positioun nach keng nei Iddien ëmsetzen, éier e weess, wéi de Verwaltungsrot sech décidéiert." Nodeems déi Fro elo gekläert ass, geet et drëms, nei Projeten z'entwéckelen.

Wat fonctionnéiert, dat bleift

Den Arend Herold mécht kee radikalen Ëmbroch beim INECC. Säi Virgänger Camille Kerger hätt Villes an d'Wee geleet, wat gutt leeft, ëmmer nees Iddien op Tapéit bruecht, Ouverturen no bausse gemaach mam Resultat, datt den INECC haut eng enorm villfälteg Offer un Aktivitéiten huet. Dorunner soll am Fong net gefréckelt ginn.

"Et ass wichteg, op Demande vu baussen ze reagéieren", seet den Arend Herold. An do gëtt et vun deene jonke Leit, déi sech fir Chouergesang begeeschteren, de Wonsch, sech méi mat dem aktuelle Pop-Repertoire ausenanerzesetzen. An där Perspektiv huet den INECC d'Crush Vocalband gegrënnt, déi grad dëse Beräich soll ofdecken. Eng aner Initiative, déi an déi selwecht Richtung geet, ass d'Grënnung vun engem Jazz-Chouer.

Formateur an Initiateur

Den INECC huet vun Ufank un op d'Formatioun vu Chouersänger an och Dirigenten op allen Niveaue gesat an och ëmmer nees eege Chouerprojeten entwéckelt, déi sech da lues a lues emanzipéiert hunn. Den Ensembel Canto LX an den iwwerregionale Robert-Schuman-Chouer sinn där Kanner vum INECC. An déi Kanner wëll den Arend Herold an Zukunft nees méi enk un den INECC ubannen. "Dës Ensembele verdéngen déi beschtméiglech Ënnerstëtzung, a mir brauchen si als Iwwergang, als éischt Instanz vun enger professioneller Carrière als Chouersänger."

Den INECC wëll sech awer net nëmmen op Projetschéier fokusséieren, op Ensembelen, déi ad hoc zesummekommen. "Ech gleewen net, datt Projetschéier eng nohalteg Zeen begrënne kënnen", seet den neien Direkter, den Arend Herold. Wichteg ass him duerfir och de Kontakt mat der lokaler, traditionneller Chouerzeen. An och do wäert den INECC Aktivitéite weiderféieren, déi en mat deenen zwee grousse Museksverbänn, der UGDA an dem Pius-Verband, an och mam Stater Conservatoire organiséiert. "Ech komme selwer aus dem klassesche Chouer-Repertoire, dee mer net vernoléissege wäerten", seet den Arend Herold.

An der Mediathéik:

Klassik aktuell / / Guy Engels
Lauschteren

Méi zum Thema

Stefan Blunier Beethoven Orchester Bonn
Klassik-CD vun der Woch

Den Beethoven Orchester vu Bonn mam Dirigent Stefan Blunier proposéieren eng brilliant Interpretatioun vu "Festliches Präludium" vum Richard Strauss an dem Franz Schmidt seng zweet Sinfonie.

Khatia Buniatishvili
Klassik-Star am Interview

Wat verbënnt déi weltbekannt Pianistin mat Lëtzebuerg? Wéi eng Bedeitung huet de Franz Liszt fir si? An huet een als Weltstar nach Lampenfieber? D'Khatia Buniatishvili am Interview.

Programm

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen