Metal Meltdown Beschten 2017er Metal!

D'Chrëschtzäit ass eriwwer, d'Joer geet sou lues op en Enn. Zäit fir vun der besënnlecher Chrëschtdagsmusek eriwwer an déi musikalesch Realitéit ze wiesselen. Den David Wagner presentéiert säi perséinleche musikalesche Réckbléck aus dem Metal-Joer 2017.

David Wagner / cz

David Wagner
David Wagner

5. Memoriam - Surrounded by Death

Memoriam hu sech 2016 als eng Zort Tribute Band zu der britescher Kultband Bolt Thrower gegrënnt, déi sech jo opgeléist haten, nodeems hiren Drummer Martin "Kiddie" Kearns gestuerwen ass. D'Band besteet deemno aus Membere vu Bolt Thrower an enger anerer bekannter englescher Band Benediction. Hiren Debutalbum "For the Fallen" léisst sech ganz liicht an d'Discographie vu Bolt Thrower areien; dee Song, dee wuel am meeschten Headbang Potential huet, ass Surrounded By Death.


4. Firespawn - Serpent of the Ocean

Och Firespawn gëtt et nach net all ze laang, d'Band ass een Nieweprojet vum Sänger vun Entombed A.D., respektiv fréiere Sänger vun Entombed, déi mëttlerweil jo och nees aktiv sinn ... Fir de Best of vun 2017 hunn ech virun allem Lidder erausgesicht, déi matrappen an zum Headbangen alueden, an dat ass virun allem beim Refrain vu Firespawn hirem "Serpent of the Ocean" de Fall!


3. Cannibal Corpse - Code of the Slashers

"All Killer, no Filler" - sou huet eemol en Album vu Sum 41 geheescht. Ma déi Ausso trëfft op de ganze Katalog vu Cannibal Corpse zou. Déi amerikanesch Kultband versteet et, Lidder ze schreiwen, déi matrappen a genuch Ofwiesslung bidden, fir trotzdeem keng latzeg 0815 Death Metal Nummeren ze sinn. Well och op hirem neisten Album "Red Before Black" all Track absolut ze empfeelen ass, hunn ech mech einfach fir déi éischt Single "Code of the Slashers" entscheet.


2. Cradle of Filth - Cryptoriana - The Seductiveness of Decay

Cradle of Filth hunn et a meng Favoritte vum Joer 2017 gepackt, well si endlech nees en Album erausbruecht hunn, deen et fäerdeg bréngt, op d'mannst zimlech no un hir Klassiker "Dusk and her Embrace" & "Cruelty and the Beast" erunzekommen, mat deenen ech d'Band Enn den 90er Joren entdeckt a schätze geléiert hunn. Déi éischt Single vum Album "Heartbreak and Séance" bréngt et fäerdeg, alles mateneen ze verbannen, wat Cradle menger Meenung no sou gutt mécht: düstere Black Metal mat vill Atmosphär, wonnerschéi Melodien, Symphonien an dem Sänger Dani Filth seng onverwiesselbar Stëmm!


1. The Haunted - Preachers of Death

"Strength in Numers" - deen neien Album vun der schwedescher Band The Haunted ass den eenzegen Album, deem ech dëst Joer 10/10 Punkte ginn hunn - notamment wéinst dem faszinéierende Mix aus bestrofenden exquisite Riffer an de breeden, pakende Refrainen. Och dës Band weess, wéi ee Lidder schreift, déi matrappen, si wierzen d'Lidder genee richteg mat technesche Feinheeten, ginn awer net ze komplizéiert, datt et onverdaulech gëtt. "Preachers of Death" ass deen Track, deen dës Konscht am Beschte beweist an den Album exzellent representéiert.

An der Mediathéik:

Metal Meltdown / / David Wagner
Lauschteren

Méi zum Thema

Filip Markiewicz
Raftside - Empty Star

Raftside ass de musikalesche Projet vum Kënschtler Filip Markiewicz. Deen neien Album "Empty Star" inspiréiert sech un ale Lo-Fi-Produktioune vum Kënschtler. Allerdéngs dominéiere Synthesizeren.

halloween playlist
Halloween

Halloween ass d'Nuecht vun den Doudegen, den Hexen an de Geeschter. Dir braucht eng passend Playlëscht mat klassesche Wierker? Hei sinn déi zéng grujelegst Stécker aus der Museksgeschicht.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen