Americana "D'Lidd diktéiert, wat et brauch"

Den Joey Burns vu Calexico schwätzt am Interview iwwer d'Zesummenaarbecht mat Iron & Wine, déi variéiert Instrumentatioun vum Grupp vun Tucson, an d'Frëndschaft tëschent zwou Americana-Gréissten.

Jamie Reinert / cbi

Calexico, Iron and Wine
Den Joey Burns, de Sam Beam an den John Convertino (Foto: Piper Ferguson)

"Years to Burn" ass déi zweet Collaboratioun tëschent Calexico an Iron & Wine. Déi éischt geet op 2005 zeréck. Iwwer d'Zäit géifen déi zwee Acts sech méi wuel an hirer Haut spieren an d'Vertraue wier gewuess, esou den Joey Burns, ee vun den Haaptkäpp vu Calexico.

"Am kreative Prozess vertraue mir der Ongewëssheet méi." D'Band vun Tucson am Arizona géif de Studio als Fënster fir Musek ze schreiwen an opzehuele gesinn. Iron & Wine wier dogéint méi traditionell. De Sam Beam géif fäerdeg Iddien a Lidder scho mat op den Treff bréngen.

"Years to Burn" ass a véier Deeg zu Nashville mat enger Live Band entstanen. Déi Kéier mat enger ofgespeckter Versioun vu Calexico. Nëmmen dräi Membere waren dobäi, nieft deenen dräi vun Iron & Wine. Et wier haart gewiescht net jiddwereen an dëse Projet mat anzebannen, esou den Joey Burns. "Et huet awer am Studio gehollef manner Variabelen ze hunn, méi minimalistesch un d'Aarbecht erunzegoen".

Méi Instrumenter

Iwwer d'Joren huet sech nämlech d'Instrumentatioun bei Calexico däitlech vergréissert. D'Band incorporéiert divers Aflëss aus dem Süd-Weste vun den USA an hirer Musek. Vu Mariachi bis Tejano Influenzen.

De Sam Beam vun Iron & Wine huet Calexico emol als musikalesch Anthropologe beschriwwen. Dem Joey Burns säin neien Dada ass déi portugisesch Gittar. Déi kritt ee vläicht op der nächster Calexico Plack ze héieren. "Ech hoffen, datt Musek an de musikaleschen Dialog tëschent verschidde Leit a Kulturen zu méi Oppenheet féiert." Years to Burn wier an deem Sënn eng intuitiv an natierlech Plack tëschent Kolleegen.

Calexico an Iron & Wine spillen de 6. November 2019 hei zu Lëtzebuerg am Atelier.

An der Mediathéik:

Papperlapop / / Jamie Reinert
Lauschteren

Méi zum Thema

YVON
Yvon im Kreis der Liebe

Dräi Museker aus Nordrhein-Westfalen zéien den italienesche Indianersummer mat sech. Si liwweren net nëmmen d'Wäermt, déi d'Wieder ewechgerappt huet, mee och den Album vun dëser éischter Novemberwoch.

Autumn sweater
Autumn Sweater - Car Park

Autumn Sweater sinn d'Musterschüler aus der Lëtzebuerger Indie Rock Schoul. Nodeems si sech zur enger to-go Virgrupp op de Lëtzebuerger Bühnen no vir gespillt hunn, kënnt elo eng éischt LP eraus.

Programm

  • Papperlapop - Itasca

  • On air

    The Benny Brown Show

  • Notturno

  • Notturno

  • Virum Dag

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen