Amanda Palmer iwwer Klimawandel "D'Saache musse ganz séier drastesch änneren"

D'Amanda Palmer bedeelegt sech u "United for Climate Justice". Déi amerikanesch Sängerin a Fraerechtsaktivistin ass fir e Concert zu Lëtzebuerg. De Sujet Klimawandel wier ze akut - si kéint net méi just iwwer Ofdreiwung schwätzen.

Yves Stephany / cz

D'Amanda Palmer, de 06.09.2019 zu Berlin
D'Amanda Palmer, de 6. September 2019 zu Berlin (Foto: picture alliance / Geisler-Fotopress)

"Ech si scho mäi Liewe laang Aktivistin. Mee ech fille momentan eng besonnesch Urgenz", seet d'Amanda Palmer. Et wier en historesche Moment, wou d'Mënsche Solidaritéit misste weise fir d'Zukunft. Si wier Feministin an hätt sech ëmmer fir d'Recht op Ofdreiwung agesat. "Mee alles dat huet kee Sënn, wann et kee Planéit gëtt."

D'Mënschen iwwerall ronderem d'Welt missten erwächen, seet d'Amanda Palmer. "D'Saache musse ganz séier drastesch änneren - an allen Aspekter: wéi mir liewen, wat mir iessen, wat mir maachen ..." Wa mir sou géife weidermaachen, hätt dat katastrophal Konsequenzen.

"Eng global Beweegung"

D'Beweegung wier global, si zum Beispill hätt de Moien an den Noriichten 170.000 Mënschen zu Wellington gesi marschéieren. "Dat ass quasi d'Hallschent vun der Populatioun vun Neiséiland", laacht d'Amanda Palmer. Mir wieren ze laang ze selbstgefälleg gewiescht. Elo géifen d'Leit sech eens ginn doriwwer, wat muss änneren.

Si selwer wier 20 Joer laang gewiescht. Wéi si viru véier Joer Mamm gouf, hätt si nees ugefaange Fleesch z'iessen. No all deem, wat si iwwer den Impakt dovu gelies hätt, géif si elo nees Veganerin ginn.

Dëse Freidegowend ass d'Amanda Palmer fir e Concert am Conservatoire. D'Sängerin hat hir musikalesch Carrière Ufank den 2000 mam Duo Dresden Dolls lancéiert. Si huet sech och en Numm mat hire feministesch Performance gemaach.

An der Mediathéik:

Backstage / / Yves Stephany
Lauschteren

Méi zum Thema

yfc2.jpg
Generator

D'Lara Bousch huet de Stéphame Pekallah Colles an d'Natasha Lepage virun a wärend hirer Fridays for Future Demonstratioun begleet a si gefrot, wéi et sech ufillt zu Lëtzebuerg Klimaaktivist ze sinn.

Amanda Palmer
Amanda Palmer

Am September kënnt d'Aktivistin a Musekerin op Lëtzebuerg. E Gespréich iwwer Fraerechter, Mamm sinn a gesellschaftlechen Engagement. Den Yves Stephany huet sech mat hir ënnerhalen.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Net verpassen

Dossieren

  • Berlinale70

    D'Berlinale feiert dëst Joer hire 70. Gebuertsdag ënner den neien Direktere Carlo Chatrian a Mariette Rissenbeek. D'Sarah Pepin an den Tom Dockal si fir eis op der Plaz.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen