Arie vum Carl-Heinrich Graun D'Sopranistin Julia Lezhneva mat Raritéiten

"D'Cecilia Bartoli war meng Inspiratiounsquell", seet d'Julia Lezhneva an engem Interview mat der "Zeit". Dat war viru véier Joer. Antëscht ass déi russesch Sopranistin selwer eng vun deene groussen Interpretinnen, wann et ëm historesch informéiert Opféierungspraxis geet. Hiren neien Disque mat Arië vum Carl-Heinrich Graun ass de beschte Beweis dofir. Eis CD vun der Woch.

Guy Engels

Lezhneva.jpg
D'Sopranistin Julia Lezhneva © F. Juery

Nodeems de Carl-Heinrich Graun (1703-1759) eng Musek fir d'Fiançaillë vum spéidere grousse Fritz geschriwwen hat, war deen esou begeeschtert, dat en de Komponist stante pede engagéiert huet, mam Optrag, een neit Operenhaus zu Berlin ze grënnen.

De Graun huet sech op d'Rees an Italien gemaach, fir Sänger z'engagéieren an och ze kucken, wat musikalesch en vogue ass. Mat italienesche Sänger a Musek kënnt en zréck op Berlin. Am neien Operenhaus "Unter den Linden" féiert de Graun ronn 30 italienesch Operen op.

Virtuose Gesang

Et ass virtuos Vokalmusek, déi mer hei héieren. Technesch ass d'Julia Lezhneva irreprochabel. Si séngt déi schwieregst Passagë mat erstaunlecher Liichtegkeet a Selbstverständlechkeet. Et ass awer net nëmmen déi technesch Perfektioun, déi beandrockt, mä och d'Ausrockskraaft an d'Musikalitéit, mat deenen d'Julia Lezhneva déi ënnerschiddlechst Rolle verkierpert.

Carl Heinrich Graun: Opera Arias. Julia Lezhneva, Concerto Köln, Mikhail Antonenko. Decca

Méi zum Thema

Cremona
Kammermusek

2013 huet sech de Quartetto di Cremona opgemaach fir sämtlech Sträichquartetter vum Beethoven opzehuelen. Elo koum de leschte Volume vun dësem Projet eraus. D'Intégrale huet Referenzcharakter.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen