Klassesch Musek D'Uergel an der Abteikierch Neimënster

1705: Ee Joer an deem sech vill gedoen huet: Am Hellege Réimesche Räich stierft de Keeser Leopold I.a säi Jong iwwerhëlt den Troun. A Spuenien ass e Krich am Gaang, den Isaac Newton gëtt zum Ritter geschloen an zu Lëtzebuerg gëtt eng Uergel gebaut.

Luc Boentges / cbi

Abteikierch Neimënster - Uergel 2
D'Uergel an der Abteikierch Neimënster

Ganz kloer, vu wiem a wéini genee d'Uergel an der Abteikierch Neimënster gebaut gouf, ass et haut net méi. Zwar taucht ëmmer nees den Numm Jean Nollet op, mä ob dat den ursprénglechen Uergelbauer war, ass ongewëss. No engem Relevage ass d'Instrument elo nees an engem Topzoustand a steet bei engem "Week-end d'orgue" am Mëttelpunkt.

Eng Raritéit

De Paul Breisch, Doumorganist an der Kathedral, spillt beim Uergel-Weekend vum 2. bis de 4. Februar an der Abteikierch Neimënster um iwwer 300 Joer alen Instrument. Esou al Uergele géif et zu Lëtzebuerg relativ wéineg ginn. An der Méchelskierch an am Grond wieren nach zwee al Gehaiser. Fir de Rescht géifen zwar klassesch Uergelen existéieren, dat wieren awer méi nei Instrumenter, déi nom ale Virbild gebaut goufen, seet de Paul Breisch.

Fir datt esou eng al Uergel haut ëmmer nach spillbar ass, muss all 20 bis 30 Joer e sougenannte Relevage gemaach ginn. E risegen Opwand, bei esou engem groussen Instrument, seet de Paul Breisch:

"Esou eng Uergel ass eppes wéi en zwee-stäckegt Haus, wat och nach eng gewëssen Déift huet. Dat heescht do sammelt sech am Laf vun 20 oder 30 Joer allerhand Knascht a Stëbs un."

Iwwerall do wou d'Loft derduerch bléist, muss d'Uergel gebotzt ginn. Do dernieft gëtt d'Mechanik kontrolléiert, d'Päifen ënnersicht an ofschléissend muss dat ganzt Instrument nees gestëmmt ginn.

Ee Bléck an d'Mechanik

Alles Original

Ofgesi vun e puer klengen Ännerungen ass d'Uergel nach an engem originalen Zoustand, seet de Paul Breisch. Et hätt ee mëttlerweil natierlech elektresch Luuchten, wou fréier Käerzen dra gehaangen hätten. Dëst wier vill manner geféierlech.

Donieft gëtt de Blosballeg mëttlerweil elektresch bedriwwen, fir datt een d'Loft net all Kéiers manuell duerch Instrument beweege muss, wann en Organist spille well.

"Hei hu mer wierklech alles wéi deemools [..] bis hin zur Kierch mat deene wonnerschéinen Altär. An engem gewësse Sënn - wann ee bis d'Dier hannert sech zou huet - mengt een et wier een am 18. Joerhonnert."

Den Altor an der Abteikierch Neimënster © Neimënster

Typesch franséisch

Vum Opbau hir ass et eng Typesch franséisch Uergel, mat ganz vill verschiddene Klangfaarwen, déi vun enger Trompett bis hin zu der Imitatioun vun enger mënschlecher Stëmm ginn. Deementspriechend ass et och déi franséisch Musek déi am Beschten op dëser Uergel kléngt, wéi de Paul Breisch mat engem Extrait aus dem François Couperin senger "Messe pour les Couvents" beweist:

Méi zum Thema

Haydn
London Symphony Orchestra

Originell, kreativ a vill Humor: De Joseph Haydn erstaunt säi Publikum nach 200 Joer no sengem Doud. De Simon Rattle invitéiert den "am meeschten ënnerschate Komponist" nei kennenzeléieren.

Herold
Chouergesank

Vun dësem Freideg un ass den Arend Herold offiziell den neien Direkter vum INECC. Hien assNofolger vum Camille Kerger, deem seng Aarbecht hie wëllt weiderféieren, awer mat neien Akzenter.

Khatia Buniatishvili
Klassik-Star am Interview

Wat verbënnt déi weltbekannt Pianistin mat Lëtzebuerg? Wéi eng Bedeitung huet de Franz Liszt fir si? An huet een als Weltstar nach Lampenfieber? D'Khatia Buniatishvili am Interview.

Gottfried von Einem
De Gottfried von Einem

Eng Sténkbomm, Mordmenacen, eng Uropféierung déi mat Gejäiz gestéiert gouf, Busse voll mat Manifestanten an eng "Schande für Österreich": De Gottfried von Einem. E Komponist vum Mount ouni Kompromësser.

Programm

  • Groove Club

  • On air

    Notturno

  • Noriichten

  • Klassik - Vu Failliten an anere privaten Affären

  • Noriichten

Dossieren

  • #chamberleak

    Um Internetsite vun der Chamber waren eng ganz Partie intern a sensibel Dokumenter net adequat geséchert. Duerch d'Editéiere vu Weblinken konnten déi vertraulech Informatioune mat engem normale Webbrowser ofgeruff ginn.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen