Classic CD vun der Woch Jonk Musek mat engem erfrëschende Bléck

"Verklärte Nacht, opus 4" ass ee Stéck fir Sträichsextett vum Arnold Schönberg aus dem Joer 1899. D'Stéck baséiert op dem Gedicht "Weib und Welt", oder "La femme et le Monde" vum Richard Dehmel.

Manuel Ribeiro / cz

Mozart Schoenberg Cover
  • W.A. Mozart: Sinfonia Concertante KV 364
  • Schoenberg: Verklärte Nacht, Opus 4
Interpretatioun:
Klangqualitéit:

Interpreten: Ensemble Allegria. Solisten: Maria Angelika Carlsen, Gei - Martha Husum, Alto - Berit Cardas, Gei.


Am Summer 1899 verléift sech de Schönberg an d'Mathilde, d'Schwëster vum Alexander von Zemlinsy a bestuet sech zwee Joer méi spéit mat hir. De jonke Schönberg, 25 Joer al, schreift fir si "Verklärte Nacht" oder "Nuit transfigurée" a manner wéi dräi Wochen. Et handelt sech also ëm e Jugendwierk, nach wäit viru senger Period mat den Dodekaphoniestheorien, hei also mat Akzenter um Spéitromantismus.

Och d'"Sinfonia concertante" fir Gei, Alto an Orchester, mib majeur KV 364, kënnt vun engem jonke Mozart. Enn 1770 hat hien nach keng 20 Joer an hien zaubert en Duebbelconcerto, deen haut a sengem Genre zu engem vun de Reusséiertste gëllt.

Jonk Musek mat engem erfrëschende Bléck

Anescht wéi ee menge kéint ass den Ensemble Allegria keen italieneschen Orchester, mä en norwegeschen a setzt sech nëmmen aus jonke Museker zesummen.

Duerch d'Interpretatioun vu jonke Museker erkléngt "Verklärte Nacht" och jonk a frësch, voller Emotiounen ouni awer an de Pathos vum Melodrama ze falen.

Den Orchester gëtt am Schoenberg sengem Wierk duerch d'Gei vum Berit Cardas zolidd gefouert.

Och dem Mozart seng "Sinfonia Concertante", mat zwou erfuerenen an unerkannten Dammen als Solistinnen, ass eng frësch an energesch Interpretatioun vum Concerto. D'Maria Angelika Carlsen ass Konzertmeeschterin vum norwegesche Radiosorchester an d'Martha Husum ass schonn als Solistin bei de Berliner Philharmoniker opgetrueden.

An der Mediathéik:

Lauschteren

Méi zum Thema

Schubert Brahms.jpg
Klassik-CD vun der Woch

Grouss Dynamik, gelongen Iwwergäng tëschent Melodie a Begleedung an insgesamt einfach eng Opnam, déi beim Lauschtere Spaass mécht. Den neien Disk vun de Schlesesche Kammersolisten.

Meier.jpg
Klassik-CD vun der Woch

Den Heinrich Baermann, Fils vun engem Militärmuseker, ass virun allem ënnert Klarinettiste bekannt. Gebuer ass hien 1784 a kënnt als 14jäeregen an den Déngscht vun der kinneklecher Garde zu Potsdam.

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen