Rock Die Unendlichkeit - E groussen Tocotronic-Album

D'Pionéier vun der Hamburger Schule melle sech mat engem iwwerzeegenden zwieleften Album zeréck. Mat erhuewenem Kapp assuméiere si souguer Balladen. Si experimentéieren awer och mat Minimal Music.

Yves Stephany

tocotronic
Tocotronic (Foto: Michael Petersohn)

No 23 Joer Carrière bréngen d'Pionéier vun der Hamburger Schule hiren zwieleften Album eraus. Natierlech huet d'Band sech iwwer d'Jore entwéckelt a verännert. Awer "Die Unendlichkeit" ass nees ee groussen, relevanten Tocotronic-Album, bei deem een dee selwechte Geschmaach an de Mond kritt wéi bei hiren dilettantesch-geschruppten éischten Disken.

"Die Unendlichkeit" ass eng autobiographesch Aarbecht. Tocotronic erziele Geschichte vun enger Kandheet an der Provënz, vu Jugend mat Léift, Gittaren a verschwenter Zäit. Et geet ëm Frëndschaft, Liewen an Doud.

Dobäi sollt ee sech keng all ze konkret Anekdoten erwaarden. Dem von Lowtzow seng Texter si wéi gewinnt oppe fir Interpretatioun, a ruffe wuel bei jidderengem aner perséinlech Associatiounen ervir.

D'Singlen, déi Tocotronic am Virfeld vun der Release verëffentlecht hunn, ware relativ konventionellen Hamburger Rock. Ausser vläicht "Die Unendlichkeit", mat sengen epeschen Noise-Teppecher. Den Album ass awer dee bis elo villsäitegste vun der Formatioun. Et si Balladen drop, wéi "Ausgerechnet du hast mich gerettet" an deenen d'Cheesyness mat erhuewenem Kapp assuméiert gëtt. Op "Ich würd's dir sagen" fiert de von Lowtzow engem ganz dréchen, just mat enger akustescher Gittar begleet, direkt ënner d'Haut. An op "Unwiederbringlich" experimentéieren Tocotronic mat Elementer aus Minimal Music - mat Marimba, Klarinett, Piano, Tuba a Sträicher.

No "Wie Wir Leben Wollen" vun 2013 an dem rouden Album vun 2015, déi éischter schwaach waren, weisen Tocotronic, datt si nach ëmmer déi wichtegst Band aus Däitschland sinn.

An der Mediathéik:

Album vun der Woch / / Yves Stephany
Lauschteren

Méi zum Thema

Sovereign-Face-of-your-arrogant-face
Album vun der Woch

Den obskure Rapper Scallops Hotel huet eng Zort Art-Rap produzéiert. Seng nei Plack "Soverign Nose Of (Y)our Arrogant Face" zeechent sech aus duerch Lo-Fi Hip Hop, eelef eckeg Tableaue vum Milwaukee Rapper.

The Green Child
The Greeen Child

Eng Amerikanerin an een Australier hu sech véier Joer laang Iddien hin- an hier geschéckt. Elo koum en éischten Album eraus. D'Musek vun The Green Child ass onpretentiéis, sexy a psychedelesch.

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen