Klassik-CD vun der Woch E bekannte Klarinettist aus dem 19. Joerhonnert

Den Heinrich Baermann, Fils vun engem Militärmuseker, ass virun allem ënnert Klarinettiste bekannt. Gebuer ass hien 1784 a kënnt als 14jäeregen an den Déngscht vun der kinneklecher Garde zu Potsdam. Hie sollt a senger Carrière nach Villes erliewen, sief et als Haffmuseker, als Virtuos op der Klarinett oder als Komponist.

Manuel Ribeiro

Meier.jpg
D'Klarinettistin Rita Karin Meier (Foto: Raphael Zubler)

Seng Begéinunge mam Carl Maria von Weber a spéider mam Felix Mendelssohn Bartholdy si wichteg Amenter am Baermann sengem Liewen a wäerte seng Carrière als Komponist a Klarinettist wesentlech prägen.

Inspiratiounsquell fir de C.M. von Weber

Ouni de Baermann wieren dem Carl Maria von Weber seng bekannte Klarinetteconcerti net zustane komm. Dem Klarinettevirtuos seng Prestatiounen hunn de Weber eréischt dozou bruecht, sech intensiv fir d'Instrument z'interesséieren. Haut gehéieren dës Stécker zu deene beléiftste Concerti am Repertoire. An och de Felix Mendelssohn Bartholdy sollt fir den Heinrich Baermann a säi Fils Carl e Konzertstück fir Klarinett, Bassethorn a Piano komponéieren.

Als Dozent huet den Heinrich Baermann eng ganz Generatioun vu Klarinettisten ausgebilt, dorënner säin eegene Fils Carl, deen och e faméise Klarinettevirtuos gouf.

Dem Baermann seng Klarinettequintetter

Manner gewosst ass, datt de Baermann fir säin Instrument och eng Partie schéin, elegant a virtuos Stécker hannerlooss huet, déi d'Klarinett mat all hire Facettë weisen, dorënner dräi Quintetter. D'Sträicher stinn hei am Hannergrond a déngen nëmme wéineg als Duopartner, während d'Klarinett déi ganz brillant Partië quasi eleng vertrëtt. D'Rita Karin Meier, Solo-Klarinettistin vun der Zürecher Oper a selwer Dozentin, huet, zesumme mam Belenus Quartett d'Quintetter op.19, 22 an 23 elo nei fir MDG opgeholl.

Méi zum Thema

Abteikierch Neimënster - Uergel 2
Klassesch Musek

Virun iwwer 300 Joer gebaut, fëllt d'Uergel d'Abteikierch Neimënster ëmmer nach mat hirem Klang. Nodeems se iwwerschafft gouf, steet si elo am Zentrum vun engem ganze Weekend voller Concerten.

Haydn
London Symphony Orchestra

Originell, kreativ a vill Humor: De Joseph Haydn erstaunt säi Publikum nach 200 Joer no sengem Doud. De Simon Rattle invitéiert den "am meeschten ënnerschate Komponist" nei kennenzeléieren.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen