International Classical Music Awards E gudde Cru fir Lëtzebuerg

Fënnef Nominatiounen, ee Finalist an e Spezialpräis: d'Editioun 2018 vun den International Classical Music Awards war fir Lëtzebuerg een aussergewéinlech gudde Joergang. De Jury, an deem de radio 100,7 och Member ass, hat seng jäerlech Reunioun dës Kéier op Invitatioun vun der Philharmonie zu Lëtzebuerg.

Guy Engels

De Jury vun den "International Classical Music Awards" hat seng Reunioun an der Philharmonie
De Jury vun den International Classical Music Awards hat seng Reunioun an der Philharmonie

357 CD an DVD-Produktiounen hat de Jury vun den International Classical Music Awards fir d'Joer 2018 nominéiert. No dräi Ofstëmmungsronnen hunn déi 17 Memberen, Fach-Journalisten aus Printmedien, vu Radioen an Online-Plattformen, Präisser a 16 verschidde Kategorië verginn. D'Palett geet dobäi vun der aler Musek iwwert de Barock, d'Oper, symphonesch Musek bis bei déi zäitgenëssesch Musek an historesch Opnamen.

Duerch d'Presenz vum radio 100,7 a vu pizzicato.lu hunn och ëmmer nees Lëtzebuerger Produktiounen a Kënschtler d'Geleeënheet, sech mat der internationaler Konkurrenz ze moossen. Datt si déi Konkurrenz net ze scheie brauchen, weist d'Editioun 2018. Fënnef einheimesch Museker an Ensembele kruten eng Nominatioun. Den Ensembel Canto LX (Rossi: Oratorio per la settimana santa), d'Pianiste Cyprien Katsaris (Russian Ballet Transcriptions), Sabine Weyer (Bach- a Mendelssohn-Concertos) Jean Muller (Goldberg-Variatiounen) an de Perkussionist Christophe Sietzen (Attraction).

Eng grouss Éier

"Fir mech ass et eng grouss Éier an een Usporn", seet de Pianist Jean Muller, deen et mat senger Interpretatioun vun de Goldberg-Variatiounen ëmmerhin an d'Final vun der Kategorie Barock Instrumental gepackt hat, an deem seng CD domadder zu deenen dräi beschte Produktioune gehéiert.

De Jean Muller, den Ensembel Artemandoline, den Duo Rosa (Stéphany Ortega, Sopran & Léna Kollmeier, Piano) an den Cellist Cyprien Keiser haten d'Chance, sech an engem Concert vu Music LX dem Jury vun den International Classical Music Awards ze presentéieren. Am Kader vu senger Sëtzung zu Lëtzebuerg war de Jury och bei engem Concert vum OPL derbäi an hat eng Entrevue mat Vertrieder vun de Solistes Européens an dem Staatssekretär am Kulturministère, dem Guy Arendt.

Young Artist of the Year

De Lëtzebuerger Succès bei den International Classical Music Awards completéiert de Perkussionist Christophe Sietzen, deen net nëmmen mat sengem Album "Attraction" nominéiert war, mä och nach de Spezialpräis als Young Artist of the Year kritt.

Fir de Christophe Sietzen war 2017 een aussergewéinlecht Joer. D'Philharmonie huet hien als Lëtzebuerger Vertrieder an der Concertsrei Rising Stars proposéiert. Seng CD-Produktiounen als Solo-Kënschtler an och mat sengem Wave-Quartet kruten nëmmen déi bescht Kritiken an der Fachpress. De Präis vun den International Classical Music Awards, deen de Christophe Sietzen beim Galaconcert, de 6. Abrëll 2018 zu Kattowitz, iwwerreecht kritt, ass elo den Tëppelchen op den I.

  • D'Gewënner vu sämtleche Präisser vun den International Classical Music Awards fënnt een op der Internetsäit www.icma-info.com

Méi zum Thema

Elbphilharmonie
Elbphilharmonie

Den eelefte Januar 2017 huet d'Elbphilharmonie hir Ouverture gefeiert. Elo, genee ee Joer duerno ass et un der Zäit fir en éischte Bilan. Wéi kennt d'Gebai bei den Hamburger un? A wat waren d'Kannerkrankheeten?

Phiharmonie.JPG Live
OPL-Concert

De radio 100,7 iwwerdréit den Owend um 20:00 Auer live aus der Philharmonie den éischten OPL-Concert vun der neier Saison. Wat d'Nolauschterer erwaart, verréit de Chefdirigent Gustavo Gimeno.

Programm

  • Moies-Magazin

  • On air

    Iwwer Mëtteg

    • Kultur - Aweiung vum Ankaa Center zu Athen

  • Resonanzen

  • Spektrum

  • Ënnerwee

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen