Neie Song vu C’est Karma "Ech wëll d'Frae feieren"

Den alldeegleche Sexismus an de Paternalismus kritiséiert d'Lëtzebuerger Sängerin C'est Karma an hirem neie Lidd "Girls". Frae géif dacks net souvill zougetraut gi wéi Männer, a si wieren nach ëmmer op ville Plazen ënnerrepresentéiert.

Jamie Reinert / cbi

C'est Karma
Foto: Martins Goldbergs

De ganzen Interview mat C'est Karma lauschteren


"This is the ode to Frida Kahlo ..." dat ass déi éischt Zeil am neie Song "Girls" vu C'est Karma. "Ech wëll d'Fraen encouragéieren an déi Fraen, déi ech bewonnere feieren", seet d'Lëtzebuerger Sängerin.

"Girls" ass awer och e Protestsong. "D'Theema Feminismus begleet mech scho ganz laang." D'Lidd wier entstanen aus der Frustratioun iwwer den alldeegleche Sexismus. D'Realitéit géif nach ëmmer net deem entspriechen, wat si sech géif wënschen.

"De Klischee geet net fort"

Konkret prangert d'Karma eng Bevormundung vu Männer un. "An dacks hunn ech d'Gefill, datt een enger Fra net souvill zoutraut wéi engem Mann. Oder, datt een net esou seriö geholl gëtt als Fra ..."

Am Kontext vun der Metoo-Diskussioun wier hir bewosst ginn, datt och eng jonk Generatioun d'Frae géif inculpéieren. "De Klischee, dee mir zanter Joerhonnerten hunn, geet net fort", seet d'Karma.

D'Roserei an der Musek erëmspigelen

Donieft prangert si d'Ënnerrepresentatioun vu Wierker vu weibleche Schrëftstellerinnen am Lycéesprogramm un. "Mir hu véier Sproochen. An zwee Joer hate mir genee een Text, dee vun enger Fra geschriwwe gouf."

D'Akkordprogression op "Girls" empfënnt d'Karma als opbauend. Si géif d'Lidd als "Empowerement Song" verstoen. An der Mëtt vum Lidd daucht en aggressiivt Instrument op. "Dat soll d'Roserei erëmspigelen, an déi Kraaft an déi Energie, mat där een deem Ganzen entgéintwierkt. "

Wärend der Produktioun wier kloer ginn, datt eng Verëffentlechung just virum 8. Mäerz sech géif ubidden. "Et passt thematesch, an et passt och vu mengen Iwwerzeegungen hier gutt. Et ass e gudden Zoufall."

Méi zum Thema

King Krule
King Krule - Man Alive

"Man Alive!" ass Stroossepoesie vun bal Dickensianescher Zort, eng Aart Toundokument a Stëmmungen an Nuancen, eng Graphic Novel, déi ee vläicht e bësse wéi eng Jazzplack kéint lauschteren, fënnt de Marc Clement.

Sensu
RadioAktivitéit

De Sensu gëtt en Abléck an de Mystère vu sengem Handwierk. Eng Audienz opzebauen als DJ a Produzent mat enger experimenteller Perspektiv wier schwiereg. Mee dat kéim jo och mam Territoire.

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Generatiounen

Praktesch Infoen

  • 4.6. Generatiounen

    4.6. Generatiounen

    Kiischten a Waasser, Energie am Iessen, de Roger Quaino an d'Operett "Gräfin Mariza"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen