Sophie Hunger - Molecules En originellt an eegewëllegt Destillat

Krautrock amplaz Chanson, Techno amplaz Walzer - sou kléngt deen neien Album vun der schwäizerescher Sängerin Sophie Hunger. Stilistesch an textlech ass si manner breet opgestallt wéi op hire sechs viregte Wierker. Trotzdem ass "Molecules" hire bis elo beschten Album.

Yves Stephany / cbi

Sophie Hunger
D'Sophie Hunger. Foto: Marikel Lahana.

D'Sophie Hunger huet dee ganzen iwwerflëssege Ballast, dee si bis elo mat sech ronderëm geschleeft huet, iwwer Bord gehäit. Amplaz op véier verschiddene Sprooche séngt si elo just nach op Englesch, an amplaz vun enger ganzer Rockband mat Bléiser huet si just nach eng Drum Machine an e Synthesizer am Réck. An doduerch kritt hir Musek Déifgang wéi nach ni.

Techno a Krautrock

Wat ass geschitt? Wouhier dee Sënneswandel vun der Sophie Hunger. Si ass op Berlin wunne gaangen, koum do mat Techno a Kontakt, huet ugefaange sech fir Krautrock z'interesséieren, an huet sech elektronesch Museksinstrumenter kaaft. Dat kéint tendenziell no previsibelem Elektro-Pop kléngen, deen ëm all Präis probéiert hip ze sinn. Ass et awer net.

D'Sophie Hunger huet hir Erfahrunge mat elektronescher Musek an en originellt an eegewëllegt Destillat verschafft. Et ass nach ëmmer 100 Prozent Sophie Hunger, just an engem neien, vläicht ongewinnte Kleed.

Dat volkstümlecht, bësse verstëbst huet si ofgeluecht. Déi komesch Momenter si fort, wou een net wousst, ob et Persiflage, Kritik oder e stilistesche Faux pas wier. Endlech manner Chanson a kee Walzer méi, an endlech méi Pop.

Et ginn e puer wierklech grouss Pop-Momenter, wéi bei der Single "Tricks" op "Molecules". Awer déi meescht Stécker sinn éischter kleng, bescheiden Tableauen, an deenen d'Sängerin sech enger déiwer Melancholie hi gëtt.

"Molecules" ass deen intimisteschsten Album vun der Sophie Hunger. Nach ni konnt ee sou no bei hir sinn. E wier aus der Isolatioun eraus entstanen, seet si. Ouni Band, ouni aner Museker, hätt si geschriwwen. Bësse wéi an engem Klouschter.

D'Produktioun vu "Molecules" ass immens subtil. D'Stëmm steet ëmmer am Mëttelpunkt, an trotz elektronescher Instrumenter kléngt den Album organesch. Och de Sounddesign ass bescheiden a kënnt mat einfache Mëttelen aus.

D'Sophie Hunger wollt keen Tourist sinn zu Berlin. Dat ass hir gelong. Si traitéiert den elektroneschen, däitschen Heritage mat groussem Respekt. Duerch déi méi schmuel stilistesch Palette an d'Ewechloosse vum Däitschen a Franséische kënnt méi eng kloer artistesch Visioun zum Virschäin, an d'Musek huet einfach méi Déifgang.

An der Mediathéik:

Album vun der Woch / / Yves Stephany
Lauschteren

Méi zum Thema

Sophie Hunger
"Molecules" vun der Sophie Hunger

Op hirem neien Album "Molecules" erfënnt déi schwäizeresch Sängerin Sophie Hunger sech nei. Synthesizeren ersetzen d'Gittaren an d'Bléiser, elektronesch Beats ersetzen d'akustesch Drums. E Gespréich.

Virginia Wing- Ecstatic Arrow Christophe Hering
Virginia Wing - Ecstatic Arrow

Fir déi eng ass Vakanz een Zur-Rou-Kommen. Fir anerer ass Vakanz Synonym fir en Tapéitewiessel, bei deem sech ënner Ëmstänn méi frësch a kreativ schaffe léisst. Dat ass der Manchester Band Virginia Wing awer gelongen.

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen