Sophia Kennedy Eng Amerikanerin séngt Pop op Berliner Techno-Label

D'Sophia Kennedy verëffentlecht e maitriséierten éischten Disk. Hëllef krut si vun engem etabléierten däitsche Museker. Et gëllt, déi jonk Sängerin am Aen ze halen. Wie weess, wat do nach kënnt.

Tom Dockal / nw

Sophia Kennedy
Sophia Kennedy

Berlin huet eng laang Traditioun a Saachen elektronesch Musek. Virun allem zanter de leschte 15 Joer. Zwee vun de kommerziell, a gläichermoossen artistesch erfollegräichste Labelen aus dëser Period sinn engersäits "Monkeytown Records" an anerersäits "Pampa Records", de Label vum ënnert anerem "DJ Koze". Déi zwee Betriber hu sech iwwert Joren en Numm gemaach, mat immens produzéiertem bass-duerchtränktem Techno, deen a senger Produktioun ëmmer nees erausgestach huet an erëm z'erkenne war.

D'Pop-Sensibilitéite ware bei aller Häert am Sound awer ze spieren. Bei "Pampa Records" gesäit et dono aus, wéi wa si mam Sophia Kennedy een Héichpunkt erreecht hätt

2013 déi éischt Kollaboratioun

D'Sophia Kennedy, eng gebierteg 27 Joer jonk Amerikanerin, lieft zanter laangem an Hansestad Hamburg. Eigentlech ass si dohi gaange fir Film ze studéieren. Si ass awer iergendwann an d'Musek gefall a verdéngt zanter enger Zäitchen hiert Brout als Komponistin bei Theaterprojeten.

D'Welt ass kléng, an och d'Musekszeen zu Hamburg. An d'Kontakter sinn eenegermoosse séier geknäppt. 2013 stoung eng éischten Zesummenaarbecht mam Carsten Erobique Meier virun der Dier. D'Weeër mat anere Gréissten aus der Hamburger Zeen ware just eng Fro vun der Zäit. Wéi d'Kennedy dunn zwee Gräpp voll Songs fäerdeg hat, ass de Mense Reents dobäi gestouss. Hien ass bekannt ënner anerem duerch seng Aarbecht bei "Die Goldenen Zitronen" an "Die Vögel". Hei stellt hie sech als Geeschtesbrudder vum Kennedy eraus, dee mat senger Produktioun d'Visioun vun der Musekerin ënnersträicht.

Eng Rëtsch u Genren

Et klackert, klappert, schäppert, quiikt a krächzt op eelef Lidder. D'Zesummenaarbecht mam Reents erweist sech als absolute Gléckstreffer, well him ass d'Gefréckels alles anescht wéi onbekannt. A fréckelen däerf hie mam Kennedy, an zwar direkt duerch eng ganz Rëtsch vu Genren. D'Produktioun däerf ënnert deem Bléckfeld vläicht dru leiden, wann och am gudde Sënn, mee dat grousst Ganzt dréit sech ronderëm eppes Aneres.

Déi wonnerbar Stëmm vum Sophia Kennedy gëtt den Toun vir. Mol déif, mol kristallin, a beaflosst op all Song de Sound. Esou treffen dem Kennedy seng Wuert-Kaskaden op verschiddene Songs op fragmentéiert Piano-Akkorden, déi an hirem minimalisteschen Usproch d'Musek zu eppes Groussem wuesse loossen. D'Musekalitéit, am Wuert ewéi och am Sound, gëtt hei fonnt.

Musek fir sech schwätze loossen

D'Referenzspill an der Stëmm a Musek kéint ee spillen. Mee dat ass esou disparat an ëm dräi Ecken ze denken, datt et ouni Problem geet, d'Musek fir sech schwätzen ze loossen. Ouni sech ze vill Gedanken iwwert Aflëss ze maachen. Bei aller Konscht an Experimentéierfreed ass dësen éischter "Singer- a Songwriterdisk" vu Pampa onmoosseg "catchy" an "easy going". En erschreckend assuréierten éischte Worf vun enger Kënschtlerin, op déi een an Zukunft besser huet opzepassen. Wie weess, wat do nach alles kënnt.

Méi zum Thema

perfumegenius
Pop

Intim Songs, déi zum Deel opulent arrangéiert sinn. Sou kléngt deen neien Album vu Perfume Genius. "No Shape" ass manner direkt a méi erwuessen, wéi dem Museker seng fréier Aarbechten.

WAMF.jpg
When 'Airy Met Fairy

"Glow" ass den Debut-LP vu When 'Airy Met Fairy. D'Thorunn Egilsdottir dréint dem Mainstream de Réck a weist hir fragil Säit. Island spillt eng Roll an der Musek vum Trio. Awer och Lëtzebuerg.

klein.
Neie musikalesche Projet

De Jérôme Klein ass ee vun deene villsäitegste Museker zu Lëtzebuerg. Elo lancéiert hien deen éischte Projet, wou seng eege Musek am Mëttelpunkt steet. Hie gëtt vu bekannte Gesiichter encadréiert.

RYVAGE
Elektronesch Musek

De Samuel Reinard lancéiert een neie Solo-Projet. "Ryvage" ass progressiv elektronesch Musek, déi aus dem Bauch eraus entsteet. D'Kompositiounen dréinen ëm Kontraster, Spannungen an Trance.

Programm

Net verpassen

  • Offre d'emploi: Un(e) rédacteur(rice) web

    Webjournalist

    L'Etablissement Public de Radiodiffusion Socioculturelle recrute, pour entrée immédiate ou à convenir, Un(e) rédacteur(rice) web sous contrat à durée déterminée pour une durée de 12 mois et à temps plein.

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen